Tez orada FIFA klubdan transfer taqiqini olib tashlaydi. Shu xabarni o'qigan "Neftchi" klubi sobiq futbolchilaridan biri saytimiz bilan bog'landi va ichidagilarni to'kib sochdi:

"Klublarimiz doim legioner futbolchilarning qarzlarini birinchilardan bo'lib to'lab berishadi. Chunki ularni FIFA himoya qiladi. Mahalliy futbolchilar esa "topar oyida oladi". Nima mahalliy futbolchilar odam emasmi? Ularni oilasi, bola-chaqasi yo'qmi? Yil davomida shu jamoa uchun o'ynaymiz, lekin peshona terimizni ololmaymiz. Qizig'i bu narsa deyarli har yili takrorlanaveradi. Faqat "Neftchi"da shunaqa demoqchimasman. Yoki u klubda, yoki bu klubda shunaqa bo'laveradi. 2024 yilda "Neftchi"da o'ynagan mahalliy futbolchilardan so'rangchi qachon oxirgi marta maosh olishibdi? Hozir ham klubda o'ynayotganlar dardini kimga aytishni ham bilmaydi. Chunki ko'z-ko'zga tushishi bor", - dedi ism familiyasi sir qolishini so'ragan "Neftchi" sobiq futbolchilaridan biri.

"Neftchi" sobiq futbolchisi: "Legionerlarni FIFA himoya qiladi, mahalliy futbolchilar odam emasmi?"