Bu safar Birinchi liga ishtirokchisi “Andijon” raqib sifatida tanlandi. Safarda bo'lib o'tgan o'yinda Bahrom Haydarov shogirdlari andijonlik raqiblariga imkoniyatni boy berishdi. Uchrashuvda 3:1 natijasi qayd etildi.

O'yin keskin va murosasiz kurashlarga boy o'tdi. Ayniqsa birinchi bo'limda gol kiritish uchun “Neftchi” yoshlarida bir qator qulay vaziyatlar yuzaga keldi. Ammo bazi vaziyatlarda futbolchilarimizga aniqlik etishmagan bo'lsa boshqa holatlarda biroz omad kelmadi. Birinchi taymda xar ikkala jamoaga ham gol kiritish nasib etmadi. Umuman olganda, bahsda Haydarov shogirdlari yomon taassurot qoldirishmadi.

Uchrashuvdagi gollar ikkinchi bo'limda kuzatildi. Dastlab bosh hakam “Neftchi” darvozasiga ketma-ket ikki marta penalti belgiladi. Gollardan o'zini yo'qotmagan “Neftchi” vakillari oldinga o'tishda davom etishdi. Biroq qarshi hujumlarning birinida uchinchi to'pni ham qabul qilishdi. Bahrom Haydarov shu kuni “Neftchi” o'rinbosarlar tarkibida ko'rikda bo'lib turgan bir qator futbolchilarni sinovdan o'tkazib oldi. Bahs yakunlanib borayotganda “Neftchi” yoshlari tarkibidan Sanjar Qobulov jarima zarbasini qoyilmaqom tarzda amalga oshirdi. 3:1. Shu tariqa bahs yakunlandi.

“Neftchi” yoshlar jamoasi muhim bahslar arafasida bo'lib turibdi. Sababi 27 yanvardan Farg'onada start oladigan “Hokim Kubogi-2017” musobaqasida Bahrom Haydarov shogirdlari ham o'z imkoniyatlarini ishga solishadi.

Yoshlarimiz Andijonda quyida tarkibda o'ynadi.

“Neftchi”: Shuhrat Rahmonov, Mirjamol Nematov, Shodiyor Xojmatov, Husanboy G'aniev, Sanjar Qobulov, Islom Toshpo'latov, Xurshid Asqaraliev, Abror Ismoilov, Sarvar Abdullaev, Elamon Karimov, Otabek Isroilov

Zaxira: Abdusattor Obidov, Azamat Xolmatov, Otabek Muhammadjonov, Avazbek O'lmasaliev, Hamidullo Abdulhamidov, Bahodir Alimov, Mo'min Mamurjonov

"Neftchi": Yoshlarimiz Andijonda o'rtoqlik o'yini o'tkazishdi