Uchrashuvda andijonliklar 4:2 natijasida zafar quchishdi.

Shu kuni birinchi liga etakchisi tarkibida Akmal Xolmatov, Hamza Karimov, Anvar Berdiev kabi bir qator tajribali ijrochilar harakatlandi. Shuningdek, birinchi davrani “Neftchi”da o'tkazgan Furqat Hasanboev hamda Said Abdujabborlar ham “Andijon” sharafini himoya etishdi. Bahrom Haydarov mana shunday jiddiy bellashuvlar orqali o'z shogirdlarini ikkinchi davra bahslariga tayyorlanmoqda. Shuningdek yosh va iqtidorli futbolchilar jamoa ko'rigidan o'tmoqda.

Bellashuv yoshlarimiz uchun katta tajriba maktabi bo'ldi deyish mumkin. Garchi hisob vakillarimiz uchun qoniqarsiz ko'rinish olgan bo'lsada, Bahrom Haydarov shogirdlari o'zlarida yaxshi taassurot qoldirishdi.

O'yinda “Andijon” hisobni ochdi. Tajribali Akmal Xolmatov uzoq masofadan yosh darvozabon Shuhrat Rahmonovning xushyorligini sinab ko'rdi va uning bergan zarbasin chiroyli golga aylandi. 1:0

Ko'p o'tmay mehmonlar tarkibidan Islombek Karimov hisobni tenglashtirdi. Maydon markazida raqibga kuchli pressing uyushtirgan yosh farg'onaliklar to'pni raqibdan olib qo'yishdi va qarshi hujumga o'tib ketishdi. Oqibatda Karimov darvozabon bilan birga-bir vaziyatga chiqib bordi va imkoniyatdan unumli foydalandi. 1:1

O'z muxlislari qarshisida to'p surayotgan “Andijon”ni hisob qoniqtirmasligi aniq edi. Shu sabab Usmon Toshev shogirdlari ketma-ket “Neftchi” darvozasiga hujum uyushtirishdi. Mana shunday hujumlarning biri qo'pollik bilan to'xtatildi va bosh hakam penalti belgilandi. 11 metrlik jarima to'pini Alisher Abduvohidov tepdi. Uning ilk zarbasini “Neftchi” darvozaboni qaytardi. Biroq qaytgan to'pga hammadan biri andijonlik futbolchining o'zi etib keldi… 2:1. Birinchi bo'lim shu hisobda yakunlandi.

Ikkinchi taym ham gollar va xavfli vaziyatlarga boy bo'ldi. Bo'limni “Neftchi” yoshlari gol bilan boshlashdi. Tanaffusdan Bahrom Haydarovdan kerakli ko'rsatmalarni olgan mehmonlar ketma-ket hujumlarni amalga oshirishdi. Vaziyatlarning biridan yana o'sha Islombek Karimov samarali foydalandi va o'z dublini nishonladi. 2:2.

Mazkur natijadan so'ng Bahrom Haydarov “Neftchi” darvozabonini almashtirdi. Maydonga Mashxur Muhammadjonov tushirildi. Biroq iqtidorli posbonning maydonga chiqishi unchalik darajada omadli chiqmadi. Shundan so'ng andijonliklar xavfli vaziyatlardan 2 tasini aniq foydalanish va ketma-ket gol urishga muvaffaq bo'lishdi. 4:2.

Asosiy tarkib: Shuhrat Rahmonov, Shodiyor Xojimatov, Abdujalil Manazarov, Bunyod Abdumanonov , Husanboy G'aniev, Islom Toshpo'latov, Islom Karimov, Xurshid Asqaraliev, Abduqodir Artikov, Elamon Karimov, Hamidullo Abduhamidov

Zaxira: Mashxur Muhammadjonov, Sardor Isakov, Botir Mamasidiqov, Nodir To'lanov, Ilxom Vaxobov, Asil G'oibjonov.

“Neftchi” matbuot xizmati

"Neftchi": Yoshlarimiz "Andijon"ga qarshi o'ynashdi