Uch o'yinda umumiy 54 daqiqa. Avval bunaqasi umuman bo'lmasdi.

Bu FIFA tomonidan bilib turib tashlangan qadam. Perluijji Kollinaning fikriga ko'ra: to'p juda kam vaqt o'yinda bo'lyapti. Jamoalar gollarni nishonlash, vaqt cho'zish, shifokorlar yordami va o'zgarishlar bilan ochiqchasiga "o'g'rilik qilishyapti". Natijada ishqibozlar futbol emas, to'xtalishlarni tomosha qilishmoqda.

Shu sababli JCH vaqtida ikkinchi zaxira hakamini "o'yinga qo'shishdi". Uning vazifasi – taymerni sinchkovlik bilan kuzatib borish va to'xtalish bo'lgan vaqtlarni qo'shish. Avvallari eronlik kiperning vaziyati uchun, aytaylik, uch yoki to'rt daqiqa qo'shib berilardi. Biroq "yangi hakam" to'qqiz daqiqa to'xtalish bo'lganini hisoblabdi – va ular yakunda qo'shib berilgan daqiqalarda o'z aksini topdi.

Umuman olganda futbol "toza vaqt"ga qaysidir manoda o'tishga ancha yaqin keldi. Shunday bo'lsada, nazarimizda bu hali hammasi emas. Ideal variantni topish yo'lidagi bir qadam xolos.

Nima bo'lganda ham, tan olib ayting, bu o'yinni 85-daqiqada tugatib qo'ygandan yaxshiroq-ku?!

Ha, aytgancha, suratdagi Janni Sikazve bugun bo'lib o'tadigan Belgiya - Kanada uchrashuvini boshqarib boradi.

Xo'sh, bunday qarorga siz nima deysiz?

Nega qo'shib berilgan daqiqalar bunchalik ko'p?