Ushbu uchrashuvdan so'ng terma jamoamiz murabbiyi Nodir Eliboev fikrlarini bildirib o'tdi.

"Xarakter ko'rsata oldik. Hisob 0:2 bo'lgunigacha ikkinchi raqam ostida o'ynashga majbur bo'ldik. Bu biz tomondan berilgan ko'rsatma edi. Shundan so'ng bosimni kuchaytirdik, hujumlar sonini oshirdik. Shuni evaziga g'alaba qozondik, deb o'ylayman.

Birinchi o'yinda Venesuela bizni yaxshi o'rgangani ko'rinib turdi. Ikkinchi bo'limga boshqacha ruhiyatda maydonga tushdi. Bu uchrashuvda esa agressiv harakat qilishdi. Biz esa aksini qildik va himoyaga etibor qaratdik. Hisobda ortda borayotganimizda yigitlar haqiqiy iroda ko'rsata olishdi.

Hozirda o'yinchilarga hordiq chiqarish imkonini beramiz. 3 iyul sanasidan yana yig'inga kirishamiz. Shundan so'ng Jahon chempionatigacha to'xtash yo'q. Keyingi oydagi yig'in to'liq o'zimizda o'tadi. Avgust oyida to'liq Evropada tayyorgarlikni olib boramiz. Ispaniya, Portugaliya, Argentinaga o'xshagan kuchli va nomdor raqiblar bilan o'rtoqlik uchrashuvlarida ishtirok etamiz",- deydi Nodir Eliboev.

Nodir Eliboev: "Yigitlar haqiqiy iroda ko'rsatishdi"