Ushbu hakamlar haqida malumot berishga qaror qildik.

BUNYODKOR – PERSEPOLIS
Bosh hakam: Kim Dong Jin (Janubiy Koreya)
1973 yilda tug'ilgan ushbu hakam jamoalarimiz ishtirokidagi 9ta o'yinda ishlagan. 6tasida vakillarimiz g'alaba qozonishgan, bir uchrashuvda durang qayd etilgan. Kim Dong Jin boshqargan ikkita uchrashuvda jamoalarimiz imkoniyatni boy berishgan.

Kim Dong Jin boshqargan o'yinlarni eslab o'tamiz: JCH-2010 saralashi doirasidagi Singapurga qarshi Toshkentdagi o'yinda terma jamoamiz 1:0 hisobida zafar quchgandi. 2012 yilgi Olimpiada saralashida Toshkentda Iroq olimpiyachilari 2:0 hisobida taslim qilingan.

OCHL-2009 guruh bosqichida "Paxtakor" Saudiya Arabistonida "Al Hilol" mehmoni bo'lgan va 0:2 hisobida yutqazib qo'ygan. Chorak finalda "Al Ittihod"ga imkoniyat boy berilgan - 0:4.

OCHL-2008 guruh bosqichida "Bunyodkor" Suriyada "Al Ittihod" mehmoni bo'lib 2:0 hisobida zafar quchgan. 2009 yilgi OCHLda "Bunyodkor" 1/8 finalda "Persepolis"ni Eronda 1:0 hisobida taslim qilgan. Keyingi yil guruh bosqichida "qaldirg'ochlar" Toshkentda BAAning "Al Vahda" klubini 4:1 hisobida mag'lub etishgan. Nihoyat o'tgan yil "Bunyodkor" Saudiya Arabistonida "Al Fath" bilan durang o'ynagan - 0:0.

Aynan shu hakam 2011 yilgi OFK kubogi finalida ishlagan. Qarshida o'tgan bahsda "Nasaf" "Quvayt SK"ni 2:1 hisobida mag'lub etgani barchaning yodida.

AL SHABAB - PAXTAKOR
Bosh hakam: Piter Grin (Avstraliya)
Bu hakam 1978 yilda tug'ilgan va xalqaro faoliyatini 2006 yilda boshlagan. Grin jamoalarimiz ishtirokidagi 6ta uchrashuvda bosh hakam bo'lgan. Bu o'yinlarning 4tasida vakillarimiz g'alaba qozonishgan, ikki uchrashuvda yutqazishgan.

Piter Grin boshqargan o'yinlar: 2008 yil o'smirlar o'rtasidagi Osiyo chempionati guruh bosqichida Bahrayn o'smirlari 2:1 hisobida mag'lub etilgan. JCH-2014 saralashi doirasida Toshkentda Qatar terma jamoasi 5:1 hisobida tor-mor etilgan.

OCHL-2009 guruh bosqichida "Paxtakor" o'z maydonida Eronning "Saba Bateri" klubini 2:1 hisobida mag'lub etgan. 2011 yilgi mavsum guruh bosqichida "sherlar" Saudiya Arabistoniga "Al Nasr"ga yirik hisobida imkoniyatni boy berib qo'yishgan - 0:4.

2009 yil Osiyo chempionlar ligasi ilk turida "Bunyodkor" Toshkentda "Al Ittifoq"ni qabul qilib 2:1 hisobida zafar quchgandi.

2012 yil OCHL guruh bosqichida Qarshining "Nasaf" klubi BAAda "Al Jazira"ga qarshi o'ynab yirik hisobda mag'lub bo'lgan - 1:4.

Narzulla Saydullaev

OCHL. Kim Dong Jin va Piter Grin jamoalarimiz uchun qanchalik omadli?