"Биз 2018 йилда Россиядаги мундиалга бора оламиз. Орзуимиз ушалиши ва илк бор Жаҳон чемпионатига чиқиш учун бор кучимизни ишга соламиз. Биз гуруҳдаги ҳар бир жамоа билан ўйнаб чиқдик. Энди жавоб баҳслари бўлади. Уларда ғалаба қозонишга ҳаракат қиламиз", - дейди Одил Аҳмедов.

"Эрон ва Жанубий Корея Осиёнинг энг кучли жамоалари. Аммо улар билан ўйинларда ғолиб чиқишимиз мумкин эди. Афсуски имкониятни бой бердик. Олдинги мағлубиятлар бизга дарс бўлиши керак. Ишонч билан ўйнасак ғалаба қозонамиз. Олдиндаги 4та ўйинда ғалаба қозонсак Россияга борамиз", - дейди терма жамоа сардори.

"Ўз вақтида "Анжи" сафида Это'О ва Роберто Карлос билан ўйнаганман. Уларнинг иккаласи ҳам ажойиб ўйинчилар ҳавас қилса арзийдиган футболчилар. Бу футболчилар орқали мен янада профессионал бўлдим. Россия чемпионатидаги фаолиятим орқали мен катта тажриба ва билимларга эга бўлдим. Премьер-лигада жаҳон юлдузлари ўйнашади. Шу боис клублар ўртасидаги рақобат жуда юқори. Бу ерда айниқса жисмонан кучайишга эришдим", - дейди ўзбекистонлик футболчи.

"Мен Жаҳон чемпионатига боришни жуда хоҳлайман. Сабаби мундиал Россияда бўлади. Фақат бу сафар Ўзбекистон терма жамоаси сафида бу ерда ўйнашни истайман. Бу ажойиб бўларди", - дейди Одил Аҳмедов FIFA.COM сайтига.

Нарзулла Сайдуллаев таржимаси

Одил Аҳмедов: "Ўзбекистон Россияга бора олади"