Shuningdek, Xitoy va Rossiya chempionatlari sovrinlarni qo'lga kiritdi. Shu vaqtga qadar u ko'plab yulduzlar Halk, Roberto Karlos, Samuel Eto`O kabi futbolchilar bilan bir jamoada to'p tepdi. 15 yillik faoliyatidagi, aniqrog'i “Paxtakor”,”Anji”, “Krasnodar”, “Shanxay-SIPG” klublarida birga o'ynagan, xalqaro tajribasi katta futbolchilardan foydalangan holda orzular terma jamoasini tuzdi.

“Dikan bilan “Krasnodar”da birga o'ynaganman. U Ukraina terma jamoasi azosi hisoblanadi. Moskvaning “Spartak” jamoasida ham ajoyib o'yinlar o'tkazgan.

Jirkov va Eshchenko Rossiya futbolining yorqin futbolchilaridan biri. Bu ikki mahoratli futbolchi bilan “Anji”da muvaffaqiyatli harakat qilganmiz. Yillar davomida ular yuqori saviyada o'yin ko'rsatib kelishmoqda.

Grankvist esa shved futbolining afsonasi “Krasnodar”ning muhim futbolchisi sifatida gavdalanadi.

Dahshatli yarim himoya triosidan o'rin olgan Oskarni barcha kuchli futbolchi deb o'ylashi aniq. Demak, izohga hojat yo'q. Shirokov ham sobiq jamoadoshim. U o'yinni yaxshi o'qiydi. Maydonni va futbolchilarni yaxshi ko'ra oladi.

Hujum chizig'i ko'zni qamashtirishi aniq. Unda haqiqiy yulduzlar joy olgan. Halk va Villian men ko'rgan eng aqlli futbolchilar toifasiga kiradi. Ular shunchaki dahshatli futbolchilar.

Eto`O maydonda va uning tashqarisida etakchilardan biri edi. “Anji”da birga to'p tepganimizda jamoaga ko'p yordami tegardi. Ammo, ko'pchilik uni “Barselona” va “Inter”dagi faoliyati orqali tanishadi. Geynrix haqida nima deyishim mumkin? U o'zbek futbolchilari orasidagi eng aqlli hujumchi. Shuning uchun ularni orzular terma jamoasiga kiritdim. Bosh murabbiy sifatida Andre Villash-Boashni tanladim”, - dedi Ahmedov OFK rasmiy saytiga.

Odil Ahmedovning ramziy terma jamoasi:

Darvozabon: Andrey Dikan
Himoyachilar: Yuriy Jirkov, Andreas Grankvist, Andrey Eshchenko
Yarim himoyachilar: Lassana Diarra, Oskar, Roman Shirokov
Vingerlar: Villian, Halk
Hujumchilar: Samuel Eto`O, Aleksandr Geynrix

Bosh murabbiy: Andre Villash Boash

Abdulaziz Iskandarov tarjimasi

Odil Ahmedov o'zi bilan birga o'ynagan futbolchilardan iborat ramziy terma jamoani tuzdi