Шунингдек, Хитой ва Россия чемпионатлари совринларни қўлга киритди. Шу вақтга қадар у кўплаб юлдузлар Ҳалк, Роберто Карлос, Самуэл Это`O каби футболчилар билан бир жамоада тўп тепди. 15 йиллик фаолиятидаги, аниқроғи “Пахтакор”,”Анжи”, “Краснодар”, “Шанхай-СИПГ” клубларида бирга ўйнаган, халқаро тажрибаси катта футболчилардан фойдаланган ҳолда орзулар терма жамоасини тузди.
“Дикань билан “Краснодар”да бирга ўйнаганман. У Украина терма жамоаси аъзоси ҳисобланади. Москванинг “Спартак” жамоасида ҳам ажойиб ўйинлар ўтказган.
Жирков ва Ешченко Россия футболининг ёрқин футболчиларидан бири. Бу икки маҳоратли футболчи билан “Анжи”да муваффақиятли ҳаракат қилганмиз. Йиллар давомида улар юқори савияда ўйин кўрсатиб келишмоқда.
Гранквист эса швед футболининг афсонаси “Краснодар”нинг муҳим футболчиси сифатида гавдаланади.
Даҳшатли ярим ҳимоя триосидан ўрин олган Оскарни барча кучли футболчи деб ўйлаши аниқ. Демак, изоҳга ҳожат йўқ. Широков ҳам собиқ жамоадошим. У ўйинни яхши ўқийди. Майдонни ва футболчиларни яхши кўра олади.
Ҳужум чизиғи кўзни қамаштириши аниқ. Унда ҳақиқий юлдузлар жой олган. Ҳалк ва Виллиан мен кўрган энг ақлли футболчилар тоифасига киради. Улар шунчаки даҳшатли футболчилар.
Это`O майдонда ва унинг ташқарисида етакчилардан бири эди. “Анжи”да бирга тўп тепганимизда жамоага кўп ёрдами тегарди. Аммо, кўпчилик уни “Барселона” ва “Интер”даги фаолияти орқали танишади. Гейнрих ҳақида нима дейишим мумкин? У ўзбек футболчилари орасидаги энг ақлли ҳужумчи. Шунинг учун уларни орзулар терма жамоасига киритдим. Бош мураббий сифатида Андре Виллаш-Боашни танладим”, - деди Аҳмедов ОФК расмий сайтига.
Одил Аҳмедовнинг рамзий терма жамоаси:
Дарвозабон: Андрей Дикань
Ҳимоячилар: Юрий Жирков, Андреас Гранквист, Андрей Ешченко
Ярим ҳимоячилар: Лассана Диарра, Оскар, Роман Широков
Вингерлар: Виллиан, Ҳалк
Ҳужумчилар: Самуэл Это`O, Александр Гейнрих
Бош мураббий: Андре Виллаш Боаш
Абдулазиз Искандаров таржимаси
Изоҳлар