Шу муносабат билан, ўйиндан аввал ечиниш хонасида Ўзбекистон ёшлар терма жамоасининг видео оператори Жамолиддин Солихов томонидан, ЎФФ Президенти Умид Аҳмаджонов томонидан йўлланган хат ўқиб эшиттирилди.

Ҳурматли футболчилар ва мураббийлар!
Кеча 52 кишини ўз бағрига олиб, Россияга йўл олган автобус ҳалокатга учради ва оқибатда фуқароларимиз аянчли тарзда ҳалок бўлдилар. Буни билган бўлишингиз керак! Айни пайтда Ўзбекистонда барча вафот этганлар хотирасига дуолар ўқилаяпти.

Сизларга шу нарсани айтаман, бугун ғалаба козониб, аламда қолган ўзбек халқига қувонч улашинг. Қаранг, Сизни эгнингиз бут, қорнингиз тўқ. Барча шароитлар яратилган. Ҳаёт тақозоси билан улар ўзга юртга йўл олдидар ва... Шунинг учун ҳам Сиз ўзингиздаги шароитга доим шукурли бўлинг, уни оқланг!

Аввалги уч ўйинингизни кўрдим. Қийналдинглар, менимча янада яхши ҳаракат қила оласизлар. Тайланддаги ўйинларни соғиндик, кетишдан олдин мақтаган ўзбек ўғлонлари, кўрсатинг ўзингизни! Бугун барчанинг нигоҳи сизларга қаратилади. Халқни хурсанд қилишга бугун ҳаммадан ҳам Сизларда имконият кўп. Кечаги кундаги кўнгил ғашлигини биргина ғалаба билан таскин бериш имконияти бугун Сизларда мавжуд.
Ўша автобусда кетаётганлар ичида аниқ ишонаманки ўзбек футболига бефарқ бўлмаганлари ҳам анча бўлган. Вафот этганлар ҳурмати, бугун ғалаба қозонинг, илтимос Сизлардан!

ЎФФ Президенти, Умид Аҳмаджонов.

ЎФФ Президенти Ўзбекистон - Япония учрашувидан аввал терма жамоа делегациясига хат йўллади