"Haqiqatan ham bir necha kun davomida Olmaliq shahrida yog'ayotgan kuchli yomg'ir natijasida stadionning kiyim almashtirish xonasi ustidagi beton plitalari orasidagi yoriqlaridan binoning ayrim ichki qismlariga suv o'tgan. Ammo suratda aks etgan "razdevalka" o'yinda foydalanilmadi va "Surxon" jamoasiga top-toza holatdagi zaxira kiyinish xonasi berildi. "Qizilqum" jamoasi kiyinish xonasi toza va ozoda holatda o'yinda foydalanildi. Bu vaziyatni suratga olgan "Qizilqum" jamoasi matbuot kotibi Musobaqalar o'tkazish reglamentni buzib, o'z ixtiyoridagi texnik hududdan tashqariga chiqib, "Surxon" futbol klubi joylashgan korpusdagi kiyinish xonasiga o'tib, yog'ingarchilik tufayli suv oqib ketgan kiyinish xonasini suratga tushirgan.

O'yin kuni bo'lgani tufayli biz asosiy kiyinish xonasida tamirlash ishlarini olib bormay, ularga shunchaki toza va yangi holatdagi boshqa zaxira kiyim almashtirish xonasini taqdim etdik. Tez orada stadionning asosiy kiyinish xonasida kerakli bo'lgan tamirlash ishlari olib boriladi.

Ijtimoiy tarmoq foydalanuvchilari va unga malumot yuklovchilariga shuni malum qilamizki, Coca Cola Superligasi 23-turidan o'rin olgan "Surxon" – "Qizilqum" uchrashuvi hozirda Olmaliq shahrida noqulay ob-havo xukm surayotganiga qaramasdan, yuqori saviyada tashkil etildi. Uchrashuv komissari o'yin qaydnomasida mazkur baxsni yuqori saviyada tashkil etilganligini bildirib o'tgan", – deyiladi OKMK sport mamuriyati saytimizga bergan xabarda.

OKMK sport majmuasi mamuriyatidan rasmiy izoh