Yanvar oyida Qatarda o'tkaziladigan Osiyo Kubogida ishtirok etadigan olimpiya terma jamoasi bugundan 2016 yil Rio-de-Janeyroda o'tadigan Olimpiadada ishtirok etish uchun yo'llanma beradigan musobaqaga tayyorgarlikni boshladi. Toshkentda ikki kun shug'ullanilgach, 2 dekabr kuni yig'inni davom ettirish BAAning Ajman amirligiga yo'l olinadi. 2-14 dekabrda Ajmanda va 19-28 dekabr kunlari Dubayda yig'in o'tkaziladi. 2-9 yanvar kunlariga mo'ljallangan yakuniy yig'in ham Dubayda o'tishi rejalashtirilgan. Keyin olimpiyachilarimiz Doxaga yo'l oladi va 13 yanvarda Janubiy Koreya olimpiya terma jamoasiga qarshi uchrashuv bilan Osiyo Kubogidagi ishtirokini boshlaydi.

Nazorat o'yinlaridagi raqiblar va o'yinlar sanalari quyidagicha:

7 dekabr - "Al Vasl" (BAA)
13 dekabr - Yaponiya
20 dekabr - KXDR
23 dekabr - BAA
27 dekabr - Qatar
4 yanvar - Xitoy
6 yanvar – Iordaniya

Yig'inga jalb etilgan O'zbekiston olimpiya terma jamoasi tarkibi quyidagicha:

Darvozabonlar: Abdumavlon Abdujalilov (“Neftchi”), Javohir Ilyosov (“Mashal”), Alibek Turobov (“Nasaf”), Asilbek Omonov (“Paxtakor”)

Himoyachilar: Sardor Rahmonov (“Neftchi”), Bobur Yo'ldoshev (“Lokomotiv”), Maksimilian Fomin (“Buxoro”), Javlon Mirabdullaev (“Metallurg”), Rustam Ashurmatov (“Bunyodkor”), Abdulloh Olimov (“Andijon”), Diyor Turopov (“Olmaliq”)

Yarim himoyachilar: Javohir Sohibov (“Paxtakor”), Odil Hamrobekov (“Nasaf”), Otabek Shukurov (“Buxoro”), Javohir Rasulov (“Neftchi”), Doniyor Ismoilov (“Olmaliq”), Abbos Maxstaliev (“Neftchi”), Jamshid Iskanderov (“Paxtakor”), Vladimir Kozak (“Paxtakor”), Jahongir Abdumo'minov (“Olmaliq”), Doston Hamdamov (“Bunyodkor”), Jaloliddin Masharipov (“Paxtakor”), Temur Hakimov (“Oqtepa”)

Hujumchilar: Igor Sergeev (“Paxtakor”), Eldor Shomurodov (“Bunyodkor”), Jasur Hakimov (“So'g'diyona”), Shohnazar Norbekov (“Metallurg”)

Zaxira: Muhsin Ubaydullaev (“Neftchi”)

Olimpiya terma jamoasi yig'inga kirishdi