Bugun G'uzorning "Sho'rtan" klubi haqida malumot beramiz.

Mavsum
Chempionatni Farg'onada "Neftchi" bilan durang o'ynab boshlagan "Sho'rtan" keyingi ikki turda o'z uyida g'alabalarga erishdi. Shu bois ham musobaqa jadvalida 3-pog'onada ham qayd etildi. Keyin o'yinlarda ochkolar yo'qotilishi natijasida 11-pog'onada tugatdi. Qizig'i 2015 yilgi mavsum tugaganida ham "Sho'rtan" aynan shu pog'onada qayd etildi. Agar jamoa bir nechta o'yinlarning so'nggi daqiqalarida himoyada tartibli o'ynay olaganida bundan ko'proq ochko jamg'argan bo'lardi.

Murabbiy
Muxtor Qurbonov bu yil ilk bor oliy ligada bosh murabbiy sifatida ishladi. O'tgan yil "Sho'rtan"ni birinchi ligadan elitaga olib chiqqan yosh murabbiy G'uzor jamoasini kurashchan kollektivga aylantira oldi. Qurbonov bir qator yosh futbolchilarga ham imkon berdi va tajribali futbolchilardan ham voz kechmadi.

Etakchi
Dastlabki davrada jamoada Viktor Karpenko etakchi edi. Aynan u hujumlarni boshlashda anchagina faol edi. Ikkinchi davrada Karpenko G'uzorni tark etdi. "Nasaf"dan "Sho'rtan"ga o'tgan Botir Qoraev uning o'rnini egalladi. Chap qanot himoyachisi deyarli barcha o'yinlarda to'liq o'ynadi.

Kashfiyot
Murod Rajabov. Mashhur aktyor bilan adash bo'lgan 20 yoshli futbolchi nafaqat "Sho'rtan"ning balki oliy liganing ham kashfiyotlaridan biri bo'ldi. Aynan klubdagi o'yinlari tufayli uni olimpiya terma jamoasi yig'inlariga ham taklif etishdi. Rajabov bu yil 16ta o'yinda maydonga tushib 2ta gol urishga erishdi. G'ulom Haydar G'ulomovni ham kashfiyot deb hisoblasak bo'ladi. Sababi bu yarim himoyachi birinchi ligada bir necha yillar davomida o'ynagan bo'lsada oliy ligada maydonga tushmagandi. Bu yil 24ta o'yinda ishtirok etgan G'ulomov 3 bor raqiblar darvozasiga yo'l topa oldi. Uning Toshkentda "Lokomotiv" darvozasiga urgan goli ko'pchilikning yodida turgan bo'lsa kerak.

Eng yaxshi o'yin
"Sho'rtan" - "Paxtakor" 1:1
Oliy liga debyutanti o'z maydonida chempionlik uchun kurash olib borayotgan "Paxtakor"ni qabul qilganida ko'pchilik "sherlar"ning oson g'alabasini taxmin qilgandi. Biroq Muxtor Qurbonov boshchiligidagi jamoa o'z muxlislari qarshisida durang qayd eta oldi. O'yindagi hisobni maydon egalari himoyachisi Sarvar Jo'raev ochdi. Bunga mehmonlar safida Adnan Oraxovac javob berdi - 1:1.

Eng yaxshi futbolchi
Igor Taran. "Sho'rtan" hujumchisi aynan shu klub uchun yaralgan desak yanglishmaymiz. Sababi "Bunyodkor" va "Nasaf"da o'ynagan Taran o'zini u qadar yorqin tomonlama namoyish eta olmadi. "Sho'rtan"ga qaytgach yana to'purarlik mahoratini namoyish etib 26ta o'yinda raqiblar darvozasiga 10ta gol urishning uddasidan chiqdi. U "Neftchi" va "Navbahor" bilan o'yinlarda dublga erishdi.

Kim qancha o'ynadi?

Futbolchi	Amplua	Tug'.sana	O'yin	Daqiqa	Gol	SK	QK
Eshmurodov Umarbek	Him	30.11.1992	28	2473	0	6	1
Boymatov Eldor	Yahm	17.11.1990	28	2249	3	4	0
Berdiev Suxrob	Yahm	12.04.1990	28	2236	4	7	0
Taran Igor	Huj	29.12.1983	26	2103	10	4	0
Yahmvonov Zafar	Huj	19.02.1985	26	1833	6	1	0
Kamolov Mirzakamol	Yahm	11.08.1987	26	1674	2	1	0
Stanoevich Darko	Him	12.04.1987	25	2250	2	4	0
G'ulomov G'ulom Haydar	Yahm	21.12.1990	24	1166	3	2	0
Ubaydullaev Laziz	Yahm	28.07.1988	22	1739	0	3	0
Aliqulov Asror	Him	12.09.1978	19	1046	0	1	0
Tojiboev Eldor	Dar	03.09.1986	16	1395	0	1	0
Rajabov Murod	Yahm	07.07.1995	16	633	2	0	0
Sharipov Sherzod	Him	01.03.1980	15	1056	0	5	0
Mamadaliev Sunnatulla**	Yahm	28.08.1989	14	1240	0	3	0
Qoraev Botir**	Him	08.04.1980	14	1221	0	2	0
Karpenko Viktor*	Him	07.09.1977	14	1164	4	1	0
Jo'raev Sarvarjon**	Him	23.12.1986	14	948	2	0	0
Klishin Viktor*	Huj	15.10.1982	13	620	0	0	0
Shodmonov Samandar	Yahm	29.03.1986	12	551	1	0	0
Jo'raev Timur*	Dar	12.05.1984	11	990	0	2	0
Otaqulov Jamol*	Him	06.12.1985	9	600	0	3	0
Abdulov Roman	Dar	10.05.1987	4	315	0	2	0
Rahmonov G'ulom	Yahm	18.12.1989	3	33	0	1	0
Azamov Rustam M.*	Him	08.07.1992	2	118	0	1	0
Karimov Olimjon	Yahm	08.07.1992	1	24	1	0	0

Izoh:
* - birinchi davradan so'ng jamoani tark etganlar.
** - ikkinchi davrada jamoaga kelganlar

"Sho'rtan-2015" mavsum statistikasi

O'yinlar	30
Gollar	42
Uydagi gollar	24 (57,14%)
Mehmondagi gollar	18 (42,86%)
O'tkazilgan gollar	53
Uyda o'tkazilgan gollar	21 (39,62%)
Mehmonda o'tkazilgan gollar	32 (60,38%)
O'rtacha gol	1,4
O'rtacha o'tkazilgan gol	1,77
Uydagi ochkolar	23/45 (51,11 %)
Mehmondagi ochkolar	10/45 (22,22 %)
Eng yirik g'alaba	4:1 - "Buxoro", "Neftchi"
Eng yirik mag'lubiyat	0:4 - "Lokomotiv"
"Quruq" o'yinlar	7 (23,33%)
Gol ura olmagan o'yinlar	7 (23,33%)
Irodagi g'alaba	2
Yirik g'alabalar	3
Yirik mag'lubiyatlar	4
Avtogol (urilgan/o'tkazilgan)	2/2
Ogohlantirishlar (o'rtacha)	54 (1,8)
Chetlatishlar (o'rtacha)	1 (0,03)
Maydonga tushganlar (legioner)	25 (1 - 4%)
Tomoshabinlar (jami/o'rtacha)	142550/4752

Oliy liga-2015 yakunlari. "Paxtakor" haqida
Oliy liga-2015 yakunlari. "Lokomotiv" haqida
Oliy liga-2015 yakunlari. "Nasaf" haqida

Oliy liga-2015 yakunlari. "Bunyodkor" haqida
Oliy liga-2015 yakunlari. "Neftchi" haqida
Oliy liga-2015 yakunlari. "Olmaliq" haqida

Oliy liga-2015 yakunlari. "Mashal" haqida

Oliy liga-2015 yakunlari. "Navbahor" haqida

Oliy liga-2015 yakunlari. "Metallurg" haqida

Oliy liga-2015 yakunlari. "Qizilqum" haqida

Oliy liga-2015 yakunlari. "Sho'rtan" haqida