Бугун Ғузорнинг "Шўртан" клуби ҳақида маълумот берамиз.

Мавсум
Чемпионатни Фарғонада "Нефтчи" билан дуранг ўйнаб бошлаган "Шўртан" кейинги икки турда ўз уйида ғалабаларга эришди. Шу боис ҳам мусобақа жадвалида 3-поғонада ҳам қайд этилди. Кейин ўйинларда очколар йўқотилиши натижасида 11-поғонада тугатди. Қизиғи 2015 йилги мавсум тугаганида ҳам "Шўртан" айнан шу поғонада қайд этилди. Агар жамоа бир нечта ўйинларнинг сўнгги дақиқаларида ҳимояда тартибли ўйнай олаганида бундан кўпроқ очко жамғарган бўларди.

Мураббий
Мухтор Қурбонов бу йил илк бор олий лигада бош мураббий сифатида ишлади. Ўтган йил "Шўртан"ни биринчи лигадан элитага олиб чиққан ёш мураббий Ғузор жамоасини курашчан коллективга айлантира олди. Қурбонов бир қатор ёш футболчиларга ҳам имкон берди ва тажрибали футболчилардан ҳам воз кечмади.

Етакчи
Дастлабки даврада жамоада Виктор Карпенко етакчи эди. Айнан у ҳужумларни бошлашда анчагина фаол эди. Иккинчи даврада Карпенко Ғузорни тарк этди. "Насаф"дан "Шўртан"га ўтган Ботир Қораев унинг ўрнини эгаллади. Чап қанот ҳимоячиси деярли барча ўйинларда тўлиқ ўйнади.

Кашфиёт
Мурод Ражабов. Машҳур актёр билан адаш бўлган 20 ёшли футболчи нафақат "Шўртан"нинг балки олий лиганинг ҳам кашфиётларидан бири бўлди. Айнан клубдаги ўйинлари туфайли уни олимпия терма жамоаси йиғинларига ҳам таклиф этишди. Ражабов бу йил 16та ўйинда майдонга тушиб 2та гол уришга эришди. Ғулом Ҳайдар Ғуломовни ҳам кашфиёт деб ҳисобласак бўлади. Сабаби бу ярим ҳимоячи биринчи лигада бир неча йиллар давомида ўйнаган бўлсада олий лигада майдонга тушмаганди. Бу йил 24та ўйинда иштирок этган Ғуломов 3 бор рақиблар дарвозасига йўл топа олди. Унинг Тошкентда "Локомотив" дарвозасига урган голи кўпчиликнинг ёдида турган бўлса керак.

Энг яхши ўйин
"Шўртан" - "Пахтакор" 1:1
Олий лига дебютанти ўз майдонида чемпионлик учун кураш олиб бораётган "Пахтакор"ни қабул қилганида кўпчилик "шерлар"нинг осон ғалабасини тахмин қилганди. Бироқ Мухтор Қурбонов бошчилигидаги жамоа ўз мухлислари қаршисида дуранг қайд эта олди. Ўйиндаги ҳисобни майдон эгалари ҳимоячиси Сарвар Жўраев очди. Бунга меҳмонлар сафида Аднан Ораховац жавоб берди - 1:1.

Энг яхши футболчи
Игорь Таран. "Шўртан" ҳужумчиси айнан шу клуб учун яралган десак янглишмаймиз. Сабаби "Бунёдкор" ва "Насаф"да ўйнаган Таран ўзини у қадар ёрқин томонлама намойиш эта олмади. "Шўртан"га қайтгач яна тўпурарлик маҳоратини намойиш этиб 26та ўйинда рақиблар дарвозасига 10та гол уришнинг уддасидан чиқди. У "Нефтчи" ва "Навбаҳор" билан ўйинларда дублга эришди.

Ким қанча ўйнади?

Футболчи	Амплуа	Туғ.сана	Ўйин	Дақиқа	Гол	СК	ҚК
Эшмуродов Умарбек	Ҳим	30.11.1992	28	2473	0	6	1
Бойматов Элдор	Яҳм	17.11.1990	28	2249	3	4	0
Бердиев Сухроб	Яҳм	12.04.1990	28	2236	4	7	0
Таран Игорь	Ҳуж	29.12.1983	26	2103	10	4	0
Яҳмвонов Зафар	Ҳуж	19.02.1985	26	1833	6	1	0
Камолов Мирзакамол	Яҳм	11.08.1987	26	1674	2	1	0
Станоевич Дарко	Ҳим	12.04.1987	25	2250	2	4	0
Ғуломов Ғулом Ҳайдар	Яҳм	21.12.1990	24	1166	3	2	0
Убайдуллаев Лазиз	Яҳм	28.07.1988	22	1739	0	3	0
Алиқулов Асрор	Ҳим	12.09.1978	19	1046	0	1	0
Тожибоев Элдор	Дар	03.09.1986	16	1395	0	1	0
Ражабов Мурод	Яҳм	07.07.1995	16	633	2	0	0
Шарипов Шерзод	Ҳим	01.03.1980	15	1056	0	5	0
Мамадалиев Суннатулла**	Яҳм	28.08.1989	14	1240	0	3	0
Қораев Ботир**	Ҳим	08.04.1980	14	1221	0	2	0
Карпенко Виктор*	Ҳим	07.09.1977	14	1164	4	1	0
Жўраев Сарваржон**	Ҳим	23.12.1986	14	948	2	0	0
Клишин Виктор*	Ҳуж	15.10.1982	13	620	0	0	0
Шодмонов Самандар	Яҳм	29.03.1986	12	551	1	0	0
Жўраев Тимур*	Дар	12.05.1984	11	990	0	2	0
Отақулов Жамол*	Ҳим	06.12.1985	9	600	0	3	0
Абдулов Роман	Дар	10.05.1987	4	315	0	2	0
Раҳмонов Ғулом	Яҳм	18.12.1989	3	33	0	1	0
Аъзамов Рустам М.*	Ҳим	08.07.1992	2	118	0	1	0
Каримов Олимжон	Яҳм	08.07.1992	1	24	1	0	0

Изоҳ:
* - биринчи даврадан сўнг жамоани тарк этганлар.
** - иккинчи даврада жамоага келганлар

"Шўртан-2015" мавсум статистикаси

Ўйинлар	30
Голлар	42
Уйдаги голлар	24 (57,14%)
Меҳмондаги голлар	18 (42,86%)
Ўтказилган голлар	53
Уйда ўтказилган голлар	21 (39,62%)
Меҳмонда ўтказилган голлар	32 (60,38%)
Ўртача гол	1,4
Ўртача ўтказилган гол	1,77
Уйдаги очколар	23/45 (51,11 %)
Меҳмондаги очколар	10/45 (22,22 %)
Энг йирик ғалаба	4:1 - "Бухоро", "Нефтчи"
Энг йирик мағлубият	0:4 - "Локомотив"
"Қуруқ" ўйинлар	7 (23,33%)
Гол ура олмаган ўйинлар	7 (23,33%)
Иродаги ғалаба	2
Йирик ғалабалар	3
Йирик мағлубиятлар	4
Автогол (урилган/ўтказилган)	2/2
Огоҳлантиришлар (ўртача)	54 (1,8)
Четлатишлар (ўртача)	1 (0,03)
Майдонга тушганлар (легионер)	25 (1 - 4%)
Томошабинлар (жами/ўртача)	142550/4752

Олий лига-2015 якунлари. "Пахтакор" ҳақида
Олий лига-2015 якунлари. "Локомотив" ҳақида
Олий лига-2015 якунлари. "Насаф" ҳақида

Олий лига-2015 якунлари. "Бунёдкор" ҳақида
Олий лига-2015 якунлари. "Нефтчи" ҳақида
Олий лига-2015 якунлари. "Олмалиқ" ҳақида

Олий лига-2015 якунлари. "Машъал" ҳақида

Олий лига-2015 якунлари. "Навбаҳор" ҳақида

Олий лига-2015 якунлари. "Металлург" ҳақида

Олий лига-2015 якунлари. "Қизилқум" ҳақида

Олий лига-2015 якунлари. "Шўртан" ҳақида