Ikkinchi oltitalik doirasida AGMK jamoasi "Qo'qon-1912"ni qabul qiladi. Bugungi kun olmaliqliklar uchun o'zgacha ahamiyat kasb etadi. Butun shahar AGMKning O'zbekiston kubogi sohibi bo'lganini nishonlaydi. Klub mutasaddilari stadion va uning atrofida katta futbol bayrami o'tkazishni maqsad qilishgan va shunga yarasha tayyorgarlik ishlari olib borilmoqda.

Olmaliqdagi stadion bayramga deyarli tayyor.

Klub jurnalistlar tadbirni yoritishlarida qulaylik yaratish maqsadida maxsus avtobus ajratdi. Buning uchun ularga minnatdorchilik bildirib o'tamiz. "Championat.asia" saytidan Olmaliqqa kamina - Tolibjon Qosimov (jurnalist, fotograf), Zoir Tursunboev (operator) va Jahongir Fayzullaev (fotograf)lar keldik. Imkon qadar Olmaliqdagi bayramona jarayonni o'quvchilarimizga etkazishga harakat qilamiz.

AGMK O'zbekiston kubogini qo'lga kiritganidan keyin tushilgan jamoaviy surat.

Bugun AGMK murabbiy, o'yinchi va xodimlariga Kobalt va Spark avtomobillari topshiriladi.

Birozdan so'ng stadionda katta bayram shousi boshlanadi.

Maxsus xodimlar katta tadbirdan oldin xavfsizlik nuqta-i nazaridan stadionni tekshirib chiqishmoqda.

Birozdan so'ng Olmaliq shahri aholisi va mehmonlar uchun milliy taomimiz osh suziladi.

Bayramona dasturxonlar stadionga tashrif buyuradigan hamyurtlarimizni kutmoqda.

"Championat.asia" saytini kuzatishda davom eting. Bugungi kun Olmaliq shahri va AGMK klubiga ataladi.

Olmaliq shahri katta futbol bayramiga tayyor FOTOGALEREYA