Иккинчи олтиталик доирасида АГМК жамоаси "Қўқон-1912"ни қабул қилади. Бугунги кун олмалиқликлар учун ўзгача аҳамият касб этади. Бутун шаҳар АГМКнинг Ўзбекистон кубоги соҳиби бўлганини нишонлайди. Клуб мутасаддилари стадион ва унинг атрофида катта футбол байрами ўтказишни мақсад қилишган ва шунга яраша тайёргарлик ишлари олиб борилмоқда.

Олмалиқдаги стадион байрамга деярли тайёр.

Клуб журналистлар тадбирни ёритишларида қулайлик яратиш мақсадида махсус автобус ажратди. Бунинг учун уларга миннатдорчилик билдириб ўтамиз. "Championat.asia" сайтидан Олмалиққа камина - Толибжон Қосимов (журналист, фотограф), Зоир Турсунбоев (оператор) ва Жаҳонгир Файзуллаев (фотограф)лар келдик. Имкон қадар Олмалиқдаги байрамона жараённи ўқувчиларимизга етказишга ҳаракат қиламиз.

АГМК Ўзбекистон кубогини қўлга киритганидан кейин тушилган жамоавий сурат.

Бугун АГМК мураббий, ўйинчи ва ходимларига Кобальт ва Спарк автомобиллари топширилади.

Бироздан сўнг стадионда катта байрам шоуси бошланади.

Махсус ходимлар катта тадбирдан олдин хавфсизлик нуқта-и назаридан стадионни текшириб чиқишмоқда.

Бироздан сўнг Олмалиқ шаҳри аҳолиси ва меҳмонлар учун миллий таомимиз ош сузилади.

Байрамона дастурхонлар стадионга ташриф буюрадиган ҳамюртларимизни кутмоқда.

"Championat.asia" сайтини кузатишда давом этинг. Бугунги кун Олмалиқ шаҳри ва АГМК клубига аталади.

Олмалиқ шаҳри катта футбол байрамига тайёр ФОТОГАЛЕРЕЯ