Bugun Server Jeparov qo'l ostidagi O'zbekiston U-15 Dubayda BAA U-15 ga qarshi ikkinchi o'rtoqlik o'yinida maydonga tushib 1:2 hisobida g'alabani tantana qilgan edi. Ushbu o'yinga futbolimizning bugungi kundagi ajoyib futbolchilari Otabek Shukurov va Azizbek G'anievlar tashrif buyurishdi.

"BAA chempionatida to'p surayotgan o'zbekistonlik futbolchilar Otabek Shukurov va Azizbek G'aniev o'smirlar terma jamoamizning bugungi o'yiniga tashrif buyurishdi. Uchrashuvdan so'ng tajribali futbolchilarimiz o'smirlarimiz bilan suhbatlashib, ularni g'alaba bilan qutladilar.

Shuningdek, ularga hozirdan bor etiborlarini o'z ustida ishlashga qaratish kerakligi, mashg'ulotlarda tirishqoqlik va shijoat bilan harakat qilish lozimligini aytdilar. Hozir kelajak uchun mustahkam poydevor qurib oladigan payt ekanligini takidlab, ularga o'z maslahat va tavsiyalarini berdilar", -deyiladi O'FA bergan xabarda.

Otabek Shukurov va Azizbek G'aniev o'smirlar terma jamoamizning BAAga qarshi o'yiniga tashrif buyurishdi