Бугун Сервер Жепаров қўл остидаги Ўзбекистон U-15 Дубайда БАА U-15 га қарши иккинчи ўртоқлик ўйинида майдонга тушиб 1:2 ҳисобида ғалабани тантана қилган эди. Ушбу ўйинга футболимизнинг бугунги кундаги ажойиб футболчилари Отабек Шукуров ва Азизбек Ғаниевлар ташриф буюришди.

"БАА чемпионатида тўп сураётган ўзбекистонлик футболчилар Отабек Шукуров ва Азизбек Ғаниев ўсмирлар терма жамоамизнинг бугунги ўйинига ташриф буюришди. Учрашувдан сўнг тажрибали футболчиларимиз ўсмирларимиз билан суҳбатлашиб, уларни ғалаба билан қутладилар.

Шунингдек, уларга ҳозирдан бор эътиборларини ўз устида ишлашга қаратиш кераклиги, машғулотларда тиришқоқлик ва шижоат билан ҳаракат қилиш лозимлигини айтдилар. Ҳозир келажак учун мустаҳкам пойдевор қуриб оладиган пайт эканлигини таъкидлаб, уларга ўз маслаҳат ва тавсияларини бердилар", -дейилади ЎФА берган хабарда.

Отабек Шукуров ва Азизбек Ғаниев ўсмирлар терма жамоамизнинг БААга қарши ўйинига ташриф буюришди