Shu munosabat bilan “Qo'qon-1912” jamoasining yosh va iqtidorli futbolchisi, yoshlar o'rtasida Osiyo chempioni, “Mard o'g'lon” ordeni sohibi Oybek Rustamov yurtimiz yoshlariga tabrik yo'lladi.

“Assalomu alaykum aziz yoshlar, do'stlarim, ukalarim! Bugungi kunda vatanimizda yoshlarga juda katta imkoniyatlar yaratilgan. Muhtaram prezidentimiz siz va biz kabi yoshlardan umidlari katta ekanliklarini yashirmayaptilar. Prezidentimizning otalarcha g'amxo'rliklari ostida juda ko'plab yoshlarimiz dunyo miqyosida turli yutuqlarni qo'lga kiritmoqdalar. Sizlarni bugungi bayram bilan o'zim nomimdan hamda “Qo'qon-1912” futbol jamoasi nomidan tabriklayman.

Vatanimiz kelajagi siz va biz kabi yoshlarning qo'limizda. Vatanimiz ravnaqi uchun, kelajagimiz uchun, bor kuch-g'ayratimizni ishga solib mehnat qilishga, o'qishga , olg'a intilishga barchangizni chorlab qolaman ! Zero biz dunyoning hech bir mamalakati yoshlaridan kam emasmiz va kam bo'lmaymiz ham. Barchangizga bugungi bayram muborak bo'lsin!”, - deydi Oybek Rustamov.

Oybek Rustamov: "Barcha yoshlarni bugungi bayram bilan tabriklayman!"