Шу муносабат билан “Қўқон-1912” жамоасининг ёш ва иқтидорли футболчиси, ёшлар ўртасида Осиё чемпиони, “Мард ўғлон” ордени соҳиби Ойбек Рустамов юртимиз ёшларига табрик йўллади.

“Ассалому алайкум азиз ёшлар, дўстларим, укаларим! Бугунги кунда ватанимизда ёшларга жуда катта имкониятлар яратилган. Муҳтарам президентимиз сиз ва биз каби ёшлардан умидлари катта эканликларини яширмаяптилар. Президентимизнинг оталарча ғамхўрликлари остида жуда кўплаб ёшларимиз дунё миқёсида турли ютуқларни қўлга киритмоқдалар. Сизларни бугунги байрам билан ўзим номимдан ҳамда “Қўқон-1912” футбол жамоаси номидан табриклайман.

Ватанимиз келажаги сиз ва биз каби ёшларнинг қўлимизда. Ватанимиз равнақи учун, келажагимиз учун, бор куч-ғайратимизни ишга солиб меҳнат қилишга, ўқишга , олға интилишга барчангизни чорлаб қоламан ! Зеро биз дунёнинг ҳеч бир мамалакати ёшларидан кам эмасмиз ва кам бўлмаймиз ҳам. Барчангизга бугунги байрам муборак бўлсин!”, - дейди Ойбек Рустамов.

Ойбек Рустамов: "Барча ёшларни бугунги байрам билан табриклайман!"