Oldinroq UFF va PFL ko'magida "Virtual Football" kompaniyasi PCFL (Professional Cyber Football League) ligasining ilk mavsumini o'tkazishi haqida elon qilgan edik. O'sha xabarda ligada qatnashish huquqini qo'lga kiritgan kibersportchi futbol bo'yicha O'zbekiston chempionati ishtirokchisi bo'lgan klub bilan shartnoma tuzish imkoniyatiga ega bo'lishi ham ko'zda tutilgan edi.

Eshitishimizga qaraganda, oliy liga klubi kirebsportchi bilan muzokaralar olib bormoqda va tez orada tomonlar o'rtasida shartnoma imzolanadi. Bundan tashqari, O'zbekiston chempionatida ishtirok etuvchi deyarli barcha klublarga takliflar kiritilmoqda. Tez orada o'z safiga kibersportchini qo'shib olgan jamoa haqida elon qilamiz.

Eslatib o'tamiz, sentyabr oyida kiberfutbol bo'yicha birinchi O'zbekiston chempionatida ishtirok etish uchun saralash bahslari bo'lib o'tadi. Turnirning final bosqichida kuchli 16 ta jamoa safidan o'rin olgan ishtirokchilar oliy liga, kulchi 32 talikka kirgan qolgan 16 jamoa birinchi ligada ishtirok etish huquqini qo'lga kiritadi. Ushbu musobaqa kibersportni hamda oliy liga klublari imijini rivojlantirish maqsadida tashkil etilmoqda.

O'zbek futboli tarixida ilk marotaba oliy liga klubi kibersportchi bilan shartnoma imzolashi mumkin