Milliy chempionatlar tarixida eng ko'p maydonga tushgan gvardiyachilar xususida aytadigan bo'lsak, 2018 yakuniga ko'ra 14 futbolchi 400lik marrani zabt etishga erishgan. Xususan bu mavsumda gvardiyachilar tarkibi to'liq ko'rinish hosil qildi. Eng ko'p maydonga tushgan futbolchilar ro'yxatiga va nihoyat darvozabon ham qo'shildi. Ignatiy Nesterov 26 may kuni mehmonda "Metallurg"ga qarshi bahsda o'zining yubiley 400-uchrashuvida maydonga tushdi. Ignatiyga qadar 400lik dovonni zabt etganlar orasida birorta ham darvozabon yo'q edi, - deb yozadi Shirinov o'z kanalida.

O'zbekiston milliy chempionatida eng ko'p maydonga tushgan futbolchilar (1992-2018)

#	Futbolchi	Amp.	Tug'.sanasi	O'ynagan jamoalari	O'yin
1	Asror Aliqulov	Him	12.09.1978	Mashal, Nasaf, Paxtakor, Sho'rtan, Dinamo	520
2	Anvar Berdiev*	Huj	11.05.1978	Mashal, Nasaf, Neftchi, Bunyodkor, Andijon	505
3	Hikmat Hoshimov	Him	12.11.1979	MHSK, Do'stlik, So'g'diyona, Metallurg, Lokomotiv, Andijon, Nasaf, Bunyodkor	453
4	Anvar G'ofurov*	Him	14.05.1982	So'g'diyona, Paxtakor, Navbahor, Dinamo, Mashal, Bunyodkor, Obod	432
5	Ilhom Yunusov*	Yahm	03.05.1982	Buxoro, Dinamo, Nasaf, Qizilqum	431
6	Botir Qoraev	Him	08.04.1980	Nasaf, Mashal, Sho'rtan	428
7	Ignatiy Nesterov*	Dar	20.06.1983	Samarqand-Dinamo, Paxtakor, Bunyodkor, Lokomotiv	418
8	Vali Keldiev	Yahm	04.10.1970	Navbahor, Buxoro, Surxon, Nasaf, To'palang	415
9	Xayrulla Karimov	Him	22.04.1978	Navbahor, Mashal, Nasaf, Bunyodkor	410
10	Ro'ziqul Berdiev	Yahm	22.10.1971	Yangier, Guliston, Nasaf	408
11	Abdumajid Toirov	Him	05.08.1974	Surxon, Neftchi, To'palang, Bunyodkor, AGMK, Xorazm, Andijon, Navbahor	406
12	Anvar Soliev	Huj	05.02.1978	Navbahor, Paxtakor, Bunyodkor, Nasaf	406
13	No'mon Hasanov	Yahm	10.02.1971	Paxtakor, MHSK, Do'stlik, Nasaf, Qo'qon-1912, Traktor, Sho'rtan, So'g'diyona, Lokomotiv	402
14	Muxtor Qurbonov	Yahm	26.01.1975	Temiryo'lchi, MHSK, Navbahor, Do'stlik, Paxtakor, Neftchi, Metallurg, Qizilqum, Sho'rtan, Traktor, So'g'diyona	402

* - faoliyatini yakunlamagan futbolchilar

Milliy chempionat gvardiyachilari ro'yxatida 400lik dovonni zabt etishi mumkin bo'lgan futbolchilar, afsuski kamchilikni tashkil etmoqda. Bu ro'yxatga kirishga eng yaqin davogar Jasur Hasanov bo'lib, uning hisobidagi o'yinlar soni 393tani tashkil etmoqda. 300dan ko'p uchrashuvda maydonga tushgan va bu yil superligada o'ynagan Nosir Otaqo'ziev 351, Erkin Boydullaev 348, Shavkat Salomov 343, Mamur Ikromov 323 va Artur Gevorkyan 330 o'yin bilan mavsumni yakunladi.

O'zbekiston milliy chempionatida eng ko'p o'yin o'tkazgan futbolchilarni bilasizmi?