Bugungi kunda Qozog'iston terma jamoasini rossiyalik mutaxassis Magomed Adiev boshqarib bormoqda. Adiev faoliyati davomida "Anji", "Ahmat", "Chayka", "Shaxtyor" (Qozog'iston) kabi klublarda ishlagan.

Qo'shnilarimiz FIFA reytingida 113-o'rinda borishmoqda.

Bugungi kunda Qozog'iston terma jamoasida Baxtiyor Zaynutdinov (CSKA, Rossiya), Yuriy Logvinenko ("Aktobe"), Islombek Kuat ("Astana"), Yan Vorogovski ("Molenbik Bryussel", Belgiya) va Sergey Maliy ("Tobol") kabi mashhur futbolchilar bor.

Qozog'iston 2022 yilda 8ta o'yin o'tkazdi va 6tasida g'olib bo'ldi va 2 marta mag'lub bo'ldi. UEFA Millatlar ligasining "C" ligasida qatnashgan Qozog'iston Ozarbayjon, Slovakiya va Belarus o'rin olgan guruhda 13 ochko to'pladi va birinchi o'rin bilan "B" ligasiga ko'tarildi.

Qozog'istonning 2022 yildagi barcha o'yinlari:
24 mart Moldova - Qozog'iston 1:2
29 mart Qozog'iston - Moldova 0:1 (penaltilar seriyasi: 5:4)
3 iyun Qozog'iston - Ozarbayjon 2:0
6 iyun Slovakiya - Qozog'iston 0:1
10 iyun Belarus - Qozog'iston 1:1
13 iyun Qozog'iston - Slovakiya 2:1
22 sentyabr Qozog'iston - Belarus 2:1
25 sentyabr Ozarbayjon - Qozog'iston 3:0

O'zbekiston va Qozog'iston terma jamoalari bugunga qadar o'zaro 6 marta o'yin o'tkazishgan. Ikki marta O'zbekiston, bir marta Qozog'iston g'olib bo'lgan. 3 marta tomonlar durang qayd etishgan.

So'nggi marta bu jamoalar o'rtasidagi to'qnashuv 2007 yilda bo'lib o'tgan. "Alma TV" kubogi doirasida o'tgan bahs janjallar bilan yodda qolgan va 1:1 hisobi qayd etilgan. O'shanda vakillarimiz bosh hakamning qarorlaridan norozi bo'lishgan va yakunda Anvar Soliev qizil kartochka olib maydonni tark etgan.

Ikkala jamoa o'rtasidagi barcha o'yinlar:

16.07.1992 Qozog'iston - O'zbekiston 1:0
14.10.1992 O'zbekiston - Qozog'iston 1:1
13.04.1994 O'zbekiston - Qozog'iston 1:0
20.09.1997 Qozog'iston - O'zbekiston 1:1
25.10.1997 O'zbekiston - Qozog'iston 4:0
11.03.2007 Qozog'iston - O'zbekiston 1:1

O'zbekiston MTJ 15 yillik tanaffusdan keyin Qozog'iston bilan o'ynaydi