14 yoshgacha bo'lgan futbolchilar o'rtasidagi chempionatning birinchi mavsumi ilk turidan o'rin olgan "Odil Junior" - "Turon" (6:0) uchrashuvidan so'ng murabbiylarning fikrlarini etiboringizga havola qilamiz.

Zayniddin Tojiev ("Odil Junior U-14" bosh murabbiyi) - Bolalarimiz juda yaxshi to'p tepdi. Berilgan ko'rsatmalarni bajarishdi. Buning uchun ularga rahmat aytib qolaman. 4 yil oldin jamoamiz tashkil qilingandi. Mana shu vaqt ichida viloyatlardan iqtidorlarni jalb qildik. Ko'z tegmasin yomon emas. Shakllanish jarayonidamiz. To'rt yillik mehnatimiz samarasi shu. To'xtamaymiz va oldinga intilishda davom etamiz.

Samandar Meliboev ("Turon" U-14 bosh murabbiyi) - Maydonda mahorat o'z so'zini aytdi. O'yindagi ustunlik raqib tomonida bo'ldi. Keyingi o'yinlarda kurashamiz. Shuning uchun bu erga keldik. Natijani emas, bolalarni qanday holatda ekanligini o'ylashimiz zarur. Qaysidir manoda kunduzi yo'lga chiqqanimizni ham tasiri bo'ldi, deb o'ylayman. Bugun erta tongda kelib bir soat dam olib maydonga chiqdik. "Turon" klubi akademiyasini yo'lga qo'yish arafasida. Nasib qilsa, hammasi yaxshi kechadi.

O'zbekiston U-14 chempionati. "Odil Junior" va "Turon" murabbiylarining ilk turdan so'ng fikrlari