Jamoliddin Rahmatullaev boshchiligidagi O'zbekiston o'smirlar terma jamoasi Indoneziyada o'tkazilayotgan o'smirlar o'rtasidagi jahon chempionatining guruh bosqichida 3 o'yinda 4 ochko jamg'argan holda pley-off yo'llanmasini qo'lga kiritdi. O'zbekistonliklar nimchorak finalda Angliya to'sig'idan o'tishga urinib ko'radi.

Yakuniga etgan guruh bosqichi bahslaridan so'ng "oq bo'rilar" musobaqadagi eng intizomli jamoa bo'lib turibdi. Markaziy Osiyo mintaqasi vakili futbolchilariga uchta o'yinda hakam tomonidan birorta kartochka ko'rsatilmadi, bu esa ishtirokchilar orasida eng yaxshi ko'rsatkich hisoblanadi.

O'zbekistondan keyingi o'rinda eronliklar o'smirlar intizom borasida peshqadamlar orasida bormoqda. Uch o'yinda forslar atigi bir marotaba ogohlantirilgan. O'zbekistonning bo'lajak raqibi Angliya futbolchilarida esa ikkita ogohlantirish mavjud.

Sariq kartochka bilan jazolanishlar borasida eng yomon ko'rsatkich Senegalga tegishli - 7ta. Biroq afrikaliklarnig biror o'yinchisi maydondan chetlatilmagan. Kanada o'smirlari esa guruh bahslarida 4ta sariq, 1ta qizil kartochka ishlab olishdi.

Oqil Abdubarnoev tayyorladi.

O'zbekiston U-17 jahon chempionatining eng intizomli jamoasi