Avvalroq, ushbu terma jamoaga shu vaqtgacha O'zbekiston milliy terma jamoasida yordamchi murabbiy sifatida ishlab kelgan Shuhrat Maqsudov bosh murabbiy etib tayinlagani haqida xabar berilgan edi. Ummondagi musobaqa arafasida Maqsudov boshchiligidagi terma jamoa 24-29 dekabr kunlari Toshkentda o'quv-mashg'ulot yig'ini o'tkazishadi. Jar stadionida o'tkaziladigan mashg'ulotlarga jami 1991-1994 yillarda tug'ilgan jami 25 nafar futbolchi jalb etilgan.

Takidlash joiz, mazkur yig'in final bosqichida ishtirok etuvchi tarkibni shakllantirish yo'lidagi ilk qadam bo'lib, Osiyo chempionati arafasida yakuniy tarkibga kiritiladigan futbolchilar xorijda o'quv-mashg'ulot yig'inlarini o'tkazish rejalashtirilgan.

O'zbekiston U-22 yoshlar terma jamoasining Toshkentdagi yig'iniga jalb etilgan futbolchilar ro'yxati:

Darvozabonlar – Eldorbek Suyunov (1991 yil tug'ilgan, Nasaf), Abdumavlon Abdujalilov (1994, Paxtakor), Akmal Tursunboev (1993, Paxtakor);

Himoyachilar – Tohirjon Shamshitdinov (1993, Paxtakor), Maksimilian Fomin (1993, Paxtakor), Boburbek Yo'ldoshev (1993, Lokomotiv), Sardor Rahmonov (1994, Lokomotiv), Javlon Mirabdullaev (1994, Bunyodkor), Akbar Ismatullaev (1991, Paxtakor), Egor Krimec (1992, Paxtakor), Davron Hoshimov (1992, Paxtakor), Sherzod Fayziev (1991, Mashal), Vladimir Kozak (1993, Paxtakor);

Yarim himoyachilar – Abbosbek Maxstaliev (1994, Paxtakor), Sardor Rashidov (1991, Bunyodkor), Diyorjon Turopov (1994, Olmaliq), Sardor Mirzaev (1991, Neftchi), Dilshod Jo'raev (1991, Bunyodkor), Muhsinjon Ubaydullaev (1994, Paxtakor), Jamshid Iskanderov (1993, Paxtakor), Sardor Sobirxo'jaev (1994, Bunyodkor);

Hujumchilar – Igor Sergeev (1993, Paxtakor), Temurxo'ja Abduxoliqov (1991, Paxtakor), Navro'z Alimov (1991, Qizilqum), Abdulaziz Yusupov (1993, Paxtakor).

O'zbekiston U-22 yoshlar terma jamoasi Toshkentdagi yig'inini boshladi