24 may kuni bo'lib o'tgan dastlabki o'yinda Iroq yoshlari so'nggi daqiqalardagi gol evaziga g'alaba qozonishgandi.

Javob uchrashuvida hisob 9-daqiqada ochildi. Jaloliddin Masharipov chap qanotdan to'pni ochilib borayotgan Abbos Maxstalievga uzatdi. Abbos esa jarima maydoniga kirib kuchli zarba berdi, darvozabon bu vaziyatda ojiz qoldi - 1:0.

15-daqiqada Burhon Juma o'z jarima maydoni ichida Toxir Shamsiddinovni yiqitgani uchun hakam Iroq darvozasiga penalti belgiladi. 11 metrli jarima to'pini esa Jaloliddin Masharipov amalga oshirdi. Uning zarbasini Saqr Ajil mahorat ko'rsatib qaytardi.

77-daqiqada zaxiradan maydonga tushganlar o'zlarini ko'rsatishdi. Muhsin Ubaydullaev chap qanotdan ochilayotgan Diyor Turopovni "ko'ra oldi". Diyor esa jarima maydoni ichiga kirib borib bir raqibni aldadi va o'ng oyog'i bilan to'pni darvozaga joylab qo'ydi - 2:0.

O'yin mana shu hisob bilan yakunlandi va yoshlarimiz ikkinchi o'yinda Iroqni mag'lub etishdi.

O'zbekiston (U-20) - Iroq (U-20) 2:0 (1:0)

Hakamlar: Murod Muhammedov, Alisher Usmonov, Ruslan Serazetdinov, Vadim Agishev (barchasi O'zbekiston)

Gollar: Abbos Maxstaliev 9, - 1:0. Diyor Turopov 77, - 2:0.

Amalga oshirilmagan penalti: Jaloliddin Masharipov 16 (darvozabon)

O'zbekiston (U-20): 1.Asilbek Omonov, 3.Sardor Rahmonov, 4.Bobur Yo'ldoshev, 5.Maksimilyan Fomin, 2.Toxir Shamsiddinov (14.Kamron Kapadze, 84), 7.Vladimir Kozak (22.Muhsin Ubaydullaev, 55), 18.Sardor Sobirxo'jaev (23.Azamat Abdullaev, 87), 17.Igor Sergeev (15.Timur Hakimov, 72), 6.Abbos Maxstaliev, 8.Jaloliddin Masharipov (20.Diyor Turopov, 46), 10.Jamshid Iskanderov (11.Abdulaziz Yusupov, 59).

Zaxira: 12.Akmal Tursunboev, 21.Bahodir Mirsoatov, 9.Jasurbek Hakimov, 13.Nurbek Nuriddinov, 16.Nodir Sanoqulov, 19.Zabihillo O'rinboev.

Iroq (U-20): 30.Saqr Ajil, 2.Fadl Moqad (26.Mahdi Hamil, 50), 3.Burhon Juma, 4.Saad Nadeq, 6.Ali Fayoz (8.Karrar Ali, 80), 12.Ali Muhammad Ala Ala, 13.Ali Qosim (9.Amar Al Abd Hussin, 73), 14.Ali Husni (36.Ali Findi, 52), 19.Mustafo Nadim, 20.Hassan Nmud (7.Javad Xadim, 58), 37.Hussayin Abd Ali Vohid (27.Amjed Volid, 37).

Zaxira: 40.Fahad Dalib, 10.Muhammad Shavkan, 17.Amar Hadim, 33.Ali Yosin, 35.Muhammad Robad,38.Haydar Abed Al Ilah, 39.Inab Hadim.

Ogohlantirishlar: Burhon Juma 15, Sardor Rahmonov 19, Saad Nadeq 70, Toxir Shamsiddinov 79, Amar Al Abd Hussin 79.

O'zbekiston yoshlari ikkinchi o'yinda Iroq yoshlarini mag'lub etishdi