World Association of Professional Football Leagues (WLF) dunyo bo'ylab 44 ta eng etakchi ligani o'zida birlashtirgan xalqaro tashkilot hisoblanadi. 2015 yilning 1 dekabr kuni 23ta liga Parijda o'zaro hamfikrlik deklaraciyasini imzolagach, associaciya tuzish uchun birinchi qadam qo'yildi. 2016 yilning 1 may kuni Cyurixda mazkur tashkilotga rasman asos solindi.

Associaciya futbol ligalari manfaatlarini himoya qiladi. U xalqaro musobaqalar taqvimini tuzishda FIFA va qitalar konfederaciyalariga o'z azolari manfaatidan kelib chiqib, tavsiya va takliflar kiritib keladi. Shuningdek, turli yo'nalishlardaIFAB, FIFPro kabi tashkilotlar bilan hamkorlikda faoliyat olib boradi.

Tashkilot boshqaruv kengashi Angliya Premer-ligasi rahbari Richard Masters, Meksika futbol ligasi rahbari Enrike Bonilla hamda MLS (AQSH) rahbari Don Garber kabilardan iborat. O'zPFL hamda WLF o'rtasidagi aloqalar o'tgan yilning iyul oyidan boshlangandi. Shu davr ichida associaciya O'zPFL bilan bog'liq musobaqalar, normativ hujjatlar va boshqa materiallarni batafsil o'rganib chiqdi. Yakunda associaciya bosh kotibi Jerom Perlemuter O'zPFLni 45-azo sifatida tashkilotga qabul qilishga tayyor ekanligini malum qildi.

“Jahon ligalari forumida O'zbekiston Professional futbol ligasini ko'rishdan va uning yangi azomizga aylanganidan behad mamnunmiz. Biz hamkorlikda O'zbekiston futboli imkoniyatlarini yuzaga chiqarishdan xursandmiz”, - deb fikr bildirdi Jerom Perlemuter.

Jerom Perlemuter hamda O'zPFL bosh direktori Diyor Imomxo'jaev 2022-yilning 17-19-oktyabr kunlari Dubay shahrida WLF tomonidan o'tkazilgan “Jahon futbol ligalari forumi”da uchrashib, fikr almashgandi. Uning doirasida WLF Osiyoning etakchi ligalari uchun ham alohida yig'ilish tashkil etdi. Unda Yaponiya, Saudiya Arabistoni, Janubiy Koreya, O'zbekiston, Qatar, BAA, Malayziya hamda Hindiston ligalari ishtirok etib, ligalarni qiynab kelayotgan qator masalalar yuzasidan fikr almashgandi.

Malumot uchun, WLF o'zida UEFAning Angliya, Ispaniya, Italiya, Germaniya, Fransiya, Turkiya, Belgiya, Portugaliya, Ukraina, OFKning Avstraliya, BAA, Yaponiya, Qatar, Saudiya Arabistoni, Malayziya, Janubiy Koreya, Tailand kabi mamlakatlarini birlashtirgan. Azolarning to'liq ro'yxati bilan mana shu havola orqali tanishib olish imkoniyati mavjud. Endi ular orasida O'zbekiston ham bor.

O'zPFL Jahon Professional futbol ligalari associaciyasi azosiga aylandi