- "Paxtakor" klubidan taklif bo'ldimi?
- "Paxtakor" rahbariyati mendan keyingi rejalarimni so'ragani rost. Oktyabr oyida amaliyot o'tashga borishimni aytdim. Bilishimcha, klubda hozir Maksim Shackix bosh murabbiy. Shu sabab jiddiy muzokara bo'lgani yo'q.

- O'zi "Paxtakor"da qachondir ishlash niyati bormi?
- Futbolchilik faoliyatimda eng ko'p "Paxtakor"da o'ynaganman. Eng ko'p sovrinni ham shu klubda qo'lga kiritganman. Qalbimda har bir o'ynagan klubimning o'rni bor. Bu murabbiylik faoliyatimda yangi chaqiruv bo'lish ehtimoli bor, agar qachondir muzokara o'tkazsak va ambiciyalari yaxshi bo'lsa nima uchun yo'q? Lekin oldimda boshqa variantlar ham bor.

- Oktyabr oyida qaysi klublarda amaliyot o'tamoqchisiz?
- Rossiyada CSKA klubi bilan kelishdik. Dmitriy Cherishev orqali Ispaniyaning "Vilyarreal" klubi bosh murabbiyi Marselino Garsiya Toral bilan ham gaplashdik. Faqat muddatini kelishish kerak, hozircha muzokara davom etmoqda. Yana ikkita klubdan rad javobi keldi," - dedi Timur Kapadze.

"Paxtakor" Timur Kapadzega taklif bilan chiqdimi? Murabbiy "Vilyarreal"ga bormoqchi