- "Пахтакор" клубидан таклиф бўлдими?
- "Пахтакор" раҳбарияти мендан кейинги режаларимни сўрагани рост. Октябрь ойида амалиёт ўташга боришимни айтдим. Билишимча, клубда ҳозир Максим Шацких бош мураббий. Шу сабаб жиддий музокара бўлгани йўқ.

- Ўзи "Пахтакор"да қачондир ишлаш нияти борми?
- Футболчилик фаолиятимда энг кўп "Пахтакор"да ўйнаганман. Энг кўп совринни ҳам шу клубда қўлга киритганман. Қалбимда ҳар бир ўйнаган клубимнинг ўрни бор. Бу мураббийлик фаолиятимда янги чақирув бўлиш эҳтимоли бор, агар қачондир музокара ўтказсак ва амбициялари яхши бўлса нима учун йўқ? Лекин олдимда бошқа вариантлар ҳам бор.

- Октябрь ойида қайси клубларда амалиёт ўтамоқчисиз?
- Россияда ЦСКА клуби билан келишдик. Дмитрий Черишев орқали Испаниянинг "Вильярреал" клуби бош мураббийи Марселино Гарсия Тораль билан ҳам гаплашдик. Фақат муддатини келишиш керак, ҳозирча музокара давом этмоқда. Яна иккита клубдан рад жавоби келди," - деди Тимур Кападзе.

"Пахтакор" Тимур Кападзега таклиф билан чиқдими? Мураббий "Вильярреал"га бормоқчи