Шу тариқа, Гвардиоланинг "Манчестер Сити"си АПЛда 3 ва ундан кўп гол уриб, ғалаба қозонган 150-баҳси бўлди. Ушбу натижага эришиш учун испаниялик мутахассисга 358 та ўйин керак бўлди. "Манчестер Сити" расмий веб-сайтига кўра, Гвардиола шу тариқа Алекс Фергюсоннинг рекордини янгилади. МЮнинг афсонавий мураббийи 522 та баҳснинг 149 тасида шундай ғалабага эришган.
Гвардиола 2016 йилдан бери "Манчестер Сити"ни бошқариб келмоқда. Бу вақт ичида мураббий клуб билан 6 марта АПЛ чемпионлигини қўлга киритди.
