"Бунёдкор" - "Насаф" беллашувини томоша қилиш учун стадионга 3869 нафар мухлис келгани ҳақида учрашувнинг иккинчи бўлимида стадион суҳандони ҳам маълумот бериб ўтган эди. Кейинчалик бу ҳақда ПФЛ расмий сайтининг русча бўлими маълумот берди.

Энг қизиғи, стадионга амалда расмий қоғозда кўрсатилгандан тахминан 3-4 баробар кўпроқ томошабин келгани аниқ. Чунки стадионнинг бир қанча секторлари ишқибозлар билан тўлиб тошган эди.

Балки бу маълумот чипталар сотуви орқали аниқланган бўлиши мумкин. Яъни кассаларда жами 3869 та чипта сотилгандир? Агарда шундай бўладиган бўлса, унда томошабинларни қолган қисми текинга стадионга кирган бўлиб чиқади. Бу қийин масала! Қизиқ?!

Балки бу техник хатоликдир, ким билади дейсиз. Шуниси аниқки, турнинг марказий ўйинига қайдномада кўрсатилгандан кўпроқ, тахминан 10 мингдан ошиқроқ томошабин ташриф буюрди.

Авваллари олий лига ўйинларимизда стадионга келган мухлисларни сунъий равишда "кўпайтириш"ларини билардик, лекин сунъий тарзда "камайтириш"ларини биринчи бор кўриб турибмиз.

Қуйида учрашувга келган мухлисларни суратларини томоша қилишингиз мумкин.

Шаҳбоз Беғамов

ПФЛ: "Бунёдкор" - "Насаф" ўйинига 3869 нафар томошабин ташриф буюрди. Аслидачи? (ФОТО)