Etiborlisi, qitaning eng kuchli terma jamoalari ishtirokidagi mazkur musobaqada plyaj futboli bo'yicha o'zbekistonlik FIFA referisi Baxtiyor Namozov hakamlik qilmoqda.

O'zbekistonlik hakam bugun Portugaliya hamda Braziliya terma jamoalari o'rtasidagi yarim final bahsida bosh hakam vazifasini bajaradi. Ikkinchi yarim final bahsida Eron va Rossiya terma jamoalari o'zaro kuchi sinashadilar. Musobaqaning final uchrashuvi esa 8 noyabr kuni bo'lib o'tadi.

Malumot o'rnida, Baxtiyor Namozov ushbu musobaqada bungacha guruh bosqichida Eron - Portugaliya (bosh hakam) va Yaponiya - Rossiya (zaxira hakami) uchrashuvlarida hakamlik qildi.

Barcha qitaning eng kuchli terma jamoalari ishtirokida har yili ananaviy tarzda o'tkaziladigan mazkur turnirga bu yili BAAning Dubay shahri mezbonlik qilmoqda. Bu yilgi turnirda barcha qitalarning eng kuchli terma jamoalari sanalgan jami 8ta terma jamoa g'oliblik uchun kurash olib boradi - Rossiya (jahon va evropa chempioni), Portugaliya (evropa vice-chempioni), Braziliya (jahon vice-chempioni, Konmebol chempioni), AQSH (Konkakaf chempioni), Marokash (Afrika chempioni), Eron (Osiyo Chempioni), Yaponiya (Osiyo vice-chempioni) va BAA (mezbon).

Eslatib o'tamiz, Baxtiyor Namozov plyaj futboli bo'yicha o'zbekistonlik yagona FIFA referisi hisoblanadi.

Plyaj futboli: Baxtiyor Namozov Qitalararo Kubok yarim final bahsida hakamlik qiladi