"Ҳозир беш йил аввалгига қараганда анча хотиржамроқман. Мен босим ёки стрессни ҳис қилмайдиган инсон ва мураббийман. Турли тажрибаларга эга бўлишни хуш кўраман.

Ғалаба қозонсанг, ҳаммаси осонроқ, аммо бундай бўлмаса, хотиржамликни сақлаб, балансни йўқотмаслик лозим.

Позитив бўлсангизгина вазиятни ўзгартира оласиз. Агар эмоцияларингиз негатив бўлса, оқ байроқ кўтарган яхши, аммо мен бундайлардан эмасман. Муаммоларга орқа буришни ёқтирмайман.

Доимо кимман, қаердаман, нега "Тоттенхэм" билан шартномам борлигини эслайман. Кетма-кет тўрт мавсум Чемпионлар лигасида ўйнаяпмиз ва янги аренада тўп тепяпмиз. ЧЛ финалидаги иштирокдан сўнг мақсадлар ўзгарган. Бироқ бошқа клублар ҳам бир жойда тургани йўқ.

Ҳозир яхши формада эмасмиз ва яна ўзимиз истагандек тўп тепиш учун меҳнат қилишимиз лозим. Вақт керак бўлади, аммо бунга қодирмиз" - дейди Почеттино.

Почеттино: "Мен оқ байроқ кўтарадиганлардан эмасман"