"Yuventus" yarim himoyachisi va "Fenerbaxche" bosh murabbiyi "Manchester Yunayted"da 2016 - 2018 yillar davomida birga ishlagan. O'sha davrda ularning munosabatlari bir muncha yomonlashgandi: Mourinyu Pogbani jamoaning vice-sardori maqomidan mahrum qilgan va boshqa futbolchilarning oldida uni "virus" deb atagandi.
"Bizning munosabatlarimiz yigit va qiz o'rtasidagi munosabatga o'xshardi. Biz muntazam ravishda bir urishardik, bir yarashardik.
Hammasi ajoyib boshlangandi, aynan u men Manchesterga qaytishimda muhim rol o'ynagan omillardan biri edi. U bilan suhbatdan keyin qaytishga qaror qilgandim.
Barchasi nima uchun yomonlashib ketganini, kelishmovchiliklar yuzaga kelganini tushuna olmadim. Sababi janjallarni men boshlamaganman.
Biz ko'plab murabbiy va futbolchilarda bo'lgani kabi qaysidir masalalrda turli qarashlarga ega edik. Ammo uni qattiq hurmat qilaman. Agar uni ertaga ko'rib qolsam, qattiq quchoqlardim. Kun kelib baribir ikkimiz o'tirib, barchasini gaplashib olishimiz kerak bo'ladi", – dedi Pogba.

Pogba Mourinyu haqida: "Munosabatlarimizni tushunib bo'lmasdi, barchasi qanday yomonlashib ketganini tushunolmayman"