Bu ikki klub O'zbekiston chempionatida hozirga qadar 32 marta to'qnash kelishgan. 16 ta bahsda "burgutlar" zafar quchishgan, 10 ta o'yinda termizliklar g'alaba qozonishgan. Qolgan 6 ta uchrashuvda durang kuzatilgan. O'zaro o'yinlarda "Andijon" 57 ta to'p kiritgan va 38 ta gol o'tkazgan.

O'zaro o'tgan oxirgi uchta bahsda "Andijon" bu jamoa darvozasiga umuman gol ura olmagan va g'alaba qozona olmagan - 1 ta durang va 2 ta mag'lubiyat.

"Andijon" so'nggi marta "Surxon" maydonidan 2003 yilda g'alaba bilan qaytgan va safarda so'nggi bor 2004 yilda bu jamoaga gol urgan.

"Surxon" maydonida o'tgan oxirgi 5 ta o'yin:
11.03.2023 "Surxon" – "Andijon" 1:0
13.08.2021 "Surxon" – "Andijon" 2:0
01.11.2020 "Surxon" – "Andijon" 1:0
29.04.2019 "Surxon" – "Andijon" 0:0
26.06.2004 "Surxon" – "Andijon" 2:1

"Surxon" mavsumni ikkita mag'lubiyat bilan boshladi. Dastlab o'z maydonida "Paxtakor"ga 0:3 hisobida mag'lub bo'ldi. So'ngra safarda "Qizilqum"ga imkoniyat boy berildi - 1:2. "Andijon" esa dastlabki ikki turda yutqazmadi. Olmaliqda OKMK bilan 0:0 hisobida durang o'ynagan "burgutlar" o'z maydonida "Bunyodkor"ni 5:1 hisobida tor-mor etishdi.

"Surxon" - "Andijon"
16 mart 2024 yil. Toshkent, "Paxtakor" stadioni. 17:00
Bosh hakam: Asker Najafaliev
Qanot hakamlari: Shohruh Maqsudov, Adham Rixsiboev
Zaxira hakami: Nikita Mustafin
VAR hakami: Rustam Lutfulin
AVAR hakami: Andrey Capenko
Nazoratchi: Nabijon Ro'zimov
Komissar: Sherzod Rajabov.

Prevyu. "Andijon" 21 yildan buyon safarda "Surxon"ni yuta olmayapti