Andijon (Andijon) – Sho'rtan (G'uzor)
2 may. Andijon. “Sog'lom Avlod” stadioni. 16:30
Hakamlar: V. Agishev (Toshkent), M. Saidqosimov (Toshkent), T. Gaynulin (Toshkent), R. Tolibjonov (Farg'ona)
Nazoratchi: A. Xotamov (Tashkent).

Bu ikki klub o'zaro 14 bor kuch sinashishgan. Natijalar “Andijon”ning ustunligini ko'rsatmoqda. Andijonliklar 7 o'yinda g'alaba qozonishgan, 2 uchrashuv durang bilan yakunlangan. “Sho'rtan” hisobida 5 ta g'alaba bor. To'p kiritish borasida ham ustunlik “Andijon” tomonida – 19:18. O'zaro o'ynlarda “Andijon” 23, “Sho'rtan” esa 17ochkolik bo'lgan.

“Andijon”ning “Sho'rtan” ustidan qozongan eng yirik g'alabasi – 3:0. “Sho'rtan”ning eng yirik g'alabasi esa – 6:1 bo'lib turibdi.

O'tgan mavsumda “Sho'rtan”, undan oldingi yilda “Andijon” oliy ligada o'ynamagan. Shu bois bu jamoalar o'rtasidagi so'nggi bahslar 2012 yil bo'lib o'tgan. O'sha yil “Sho'rtan” har ikkala bahsda ham g'olib chiqqan. Andijondagi bahsda Ikrom Ibragimov o'z darvozasiga gol urib qo'yib hisobni ochgan. Abbos Omonov ikkinchi bor mezbonlar darvozasiga to'p kiritgan. Birinchi bo'lim so'nggida Lochin Soliev hisobni qisqartiruvchi golga mualliflik qilgan – 1:2. G'uzorda esa “Sho'rtan” yirik hisobdagi g'alabani qo'lga kiritgan. Igor Taran (ikkita), Botir Qodirqulov, Farhod Tojiev, Patrik Agbo, Ilnur Xazigaliev mezbonlar safida, Maqsud Haitov esa mehmonlar tarkibida to'p kiritgan – 6:1.

Andijonda o'tgan so'nggi besh uchrashuv:
20.06.2012 Andijon – Sho'rtan 1:2
16.05.2011 Andijon – Sho'rtan 3:0
25.09.2010 Andijon – Sho'rtan 2:1
14.08.2009 Andijon – Sho'rtan 2:1
05.07.2008 Andijon – Sho'rtan 3:0

O'zaro o'yinlar haqida fakt : Sho'rtan shu kunga qadar oliy ligada Andijondan faqat bir marta g'alaba bilan qaytgan (2012 yil). Bo'lib o'tgan 7ta o'yinning 6tasida “burgutlar” zafar quchishgan. Vodiyda bu jamoalar o'rtasidagi uchrashuvlarda umuman durang qayd etilmagan.

Prevyu. "Andijon" - "Sho'rtan"