«Андижон» (Андижон) – «Шўртан» (Ғузор)
2 май. Андижон. “Соғлом Авлод” стадиони. 16:30
Ҳакамлар: В. Агишев (Тошкент), М. Саидқосимов (Тошкент), Т. Гайнулин (Тошкент), Р. Толибжонов (Фарғона)
Назоратчи: А. Хотамов (Ташкент).

Бу икки клуб ўзаро 14 бор куч синашишган. Натижалар “Андижон”нинг устунлигини кўрсатмоқда. Андижонликлар 7 ўйинда ғалаба қозонишган, 2 учрашув дуранг билан якунланган. “Шўртан” ҳисобида 5 та ғалаба бор. Тўп киритиш борасида ҳам устунлик “Андижон” томонида – 19:18. Ўзаро ўйнларда “Андижон” 23, “Шўртан” эса 17очколик бўлган.

“Андижон”нинг “Шўртан” устидан қозонган энг йирик ғалабаси – 3:0. “Шўртан”нинг энг йирик ғалабаси эса – 6:1 бўлиб турибди.

Ўтган мавсумда “Шўртан”, ундан олдинги йилда “Андижон” олий лигада ўйнамаган. Шу боис бу жамоалар ўртасидаги сўнгги баҳслар 2012 йил бўлиб ўтган. Ўша йил “Шўртан” ҳар иккала баҳсда ҳам ғолиб чиққан. Андижондаги баҳсда Икром Ибрагимов ўз дарвозасига гол уриб қўйиб ҳисобни очган. Аббос Омонов иккинчи бор мезбонлар дарвозасига тўп киритган. Биринчи бўлим сўнггида Лочин Солиев ҳисобни қисқартирувчи голга муаллифлик қилган – 1:2. Ғузорда эса “Шўртан” йирик ҳисобдаги ғалабани қўлга киритган. Игорь Таран (иккита), Ботир Қодирқулов, Фарҳод Тожиев, Патрик Агбо, Илнур Хазигалиев мезбонлар сафида, Мақсуд Ҳаитов эса меҳмонлар таркибида тўп киритган – 6:1.

Андижонда ўтган сўнгги беш учрашув:
20.06.2012 «Андижон» – «Шўртан» 1:2
16.05.2011 «Андижон» – «Шўртан» 3:0
25.09.2010 «Андижон» – «Шўртан» 2:1
14.08.2009 «Андижон» – «Шўртан» 2:1
05.07.2008 «Андижон» – «Шўртан» 3:0

Ўзаро ўйинлар ҳақида факт : «Шўртан» шу кунга қадар олий лигада Андижондан фақат бир марта ғалаба билан қайтган (2012 йил). Бўлиб ўтган 7та ўйиннинг 6тасида “бургутлар” зафар қучишган. Водийда бу жамоалар ўртасидаги учрашувларда умуман дуранг қайд этилмаган.

Превью. "Андижон" - "Шўртан"