BUXORO – NEFTCHI
15 mart. Vobkent. “Vobkent” stadioni. 16:30
Hakamlar: V.Kovalenko, R.Ilyosov, M.Saidqosimov, I.Ibrohimov.
Nazoratchi: S.Ermatov.

Bu ikki klubning yo'llari oliy liga o'yinlarida 42 bor kesishgan. Ustunlik “Neftchi” tomonida. 32ta o'yinda farg'onaliklarning qo'li baland kelgan bo'lsa, 8ta uchrashuvda “Buxoro” g'olib bo'lgan. Ikki uchrashuvda g'olib aniqlanmagan. To'plar nisbati “Neftchi” foydasiga 94:34. O'zaro o'inlarda “Neftchi” 98 ochkoni, “Buxoro” esa 26 ochkoni qo'lga kiritgan.

“Neftchi” oliy ligada “Buxoro” ustidan 5:0 hisobida g'alaba qozongan. Bu o'zaro o'yinlardagi vodiy klubining eng yirik g'alabasidir. “Buxoro”ning o'zaro o'yinlardagi eng yirik g'alabasi esa 4:1 bo'lib turibdi.

O'tgan yilgi dastlabki to'qnashuvda “Buxoro” Alisher Mahmudovning urgan goli evaziga g'alaba qozongan – 1:0. Farg'onadagi bahsda mezbonlar himoyachisi Dilyorbek Ermatov “Neftchi”ga uch ochko keltirgandi – 1:0.

"Buxoro" maydonida o'tgan so'nggi besh uchrashuv:
20.06.2013 Buxoro - Neftchi 1:0
03.08.2012 Buxoro - Neftchi 1:1
21.05.2011 Buxoro - Neftchi 0:1
30.04.2009 Buxoro - Neftchi 1:2
23.08.2008 Buxoro - Neftchi 0:2

O'zaro o'yinlar haqida fakt: Buxoroda bo'lib o'tgan uchrashuvlarda maydon egalari 8 marta muvaffaqiyat qozonishgan. Ikki uchrashuvda g'olib aniqlanmagan. 11 bor “Neftchi” safardan g'alaba bilan ortga qaytgan. Oxirgi ikki yilda “Buxoro” bu jamoaga o'z uyida yutqazmagan.

Taxmin: Uchrashuv Vobkentdagi stadionda bo'ladi. Agar maydon holati yomon bo'lsa hisob ochilmasligi yoki bitta gol urilishi mumkin. Ikkala jamoada yangi murabbiylar ish boshlashgan. Gess ham, Ismoilov ham mavsumni ijobiy natija bilan boshlashni istaydi.

Narzulla Saydullaev.

Prevyu. "Buxoro" - "Neftchi"