«БУХОРО» – «НЕФТЧИ»
15 март. Вобкент. “Вобкент” стадиони. 16:30
Ҳакамлар: В.Коваленко, Р.Илёсов, М.Саидқосимов, И.Иброҳимов.
Назоратчи: С.Эрматов.

Бу икки клубнинг йўллари олий лига ўйинларида 42 бор кесишган. Устунлик “Нефтчи” томонида. 32та ўйинда фарғоналикларнинг қўли баланд келган бўлса, 8та учрашувда “Бухоро” ғолиб бўлган. Икки учрашувда ғолиб аниқланмаган. Тўплар нисбати “Нефтчи” фойдасига 94:34. Ўзаро ўинларда “Нефтчи” 98 очкони, “Бухоро” эса 26 очкони қўлга киритган.

“Нефтчи” олий лигада “Бухоро” устидан 5:0 ҳисобида ғалаба қозонган. Бу ўзаро ўйинлардаги водий клубининг энг йирик ғалабасидир. “Бухоро”нинг ўзаро ўйинлардаги энг йирик ғалабаси эса 4:1 бўлиб турибди.

Ўтган йилги дастлабки тўқнашувда “Бухоро” Алишер Маҳмудовнинг урган голи эвазига ғалаба қозонган – 1:0. Фарғонадаги баҳсда мезбонлар ҳимоячиси Дилёрбек Эрматов “Нефтчи”га уч очко келтирганди – 1:0.

"Бухоро" майдонида ўтган сўнгги беш учрашув:
20.06.2013 «Бухоро» - «Нефтчи» 1:0
03.08.2012 «Бухоро» - «Нефтчи» 1:1
21.05.2011 «Бухоро» - «Нефтчи» 0:1
30.04.2009 «Бухоро» - «Нефтчи» 1:2
23.08.2008 «Бухоро» - «Нефтчи» 0:2

Ўзаро ўйинлар ҳақида факт: Бухорода бўлиб ўтган учрашувларда майдон эгалари 8 марта муваффақият қозонишган. Икки учрашувда ғолиб аниқланмаган. 11 бор “Нефтчи” сафардан ғалаба билан ортга қайтган. Охирги икки йилда “Бухоро” бу жамоага ўз уйида ютқазмаган.

Тахмин: Учрашув Вобкентдаги стадионда бўлади. Агар майдон ҳолати ёмон бўлса ҳисоб очилмаслиги ёки битта гол урилиши мумкин. Иккала жамоада янги мураббийлар иш бошлашган. Гесс ҳам, Исмоилов ҳам мавсумни ижобий натижа билан бошлашни истайди.

Нарзулла Сайдуллаев.

Превью. "Бухоро" - "Нефтчи"