Турнинг яна бир қизиқарли учрашуви. Гарчи марказий мақомга мос бўлмасада, бу йилдан бошлаб ўтказилаётган янги Тошкент "дербиси". Дербилар эса доим муросасиз ўтиши билан ажралиб турган. Бугунги баҳс ҳам шундай кечиши мумкинми? Жамоалар қандай ҳолатда? Қуйида шу ҳақида фикрлашамиз.

"Олимпик"

Тимур Кападзе шогирдлари жорий мавсумда биринчи маротаба элитада иштирок этаётганига қарамай яхшигина чақилмас "ёнғоққа" айланиб улгурди. Жамоа иккинчи даврада "Қизилқум" билан ўйинга келиб биринчи мағлубиятини тан олди, 1:2. Ундан аввалги турда чемпионат етакчиси "Сўғдиёна" таслим этилганди (1:0). "Пахтакор"дан эса иккинчи даврада ҳам очко олишга эришди, дея оламиз. Қолган баҳсларда қуйидаги натижаларни қайд этди. Тимур Кападзе ўз жамоасида ўйинни жуда яхши йўлга қўя олганлиги, футболчилар жисмоний тарафлама рақибларидан қолишмаётгани таҳсинга лойиқ. Статистикага эътибор берадиган бўлсак, сўнгги 5та учрашувда "Олимпик" рақиблар дарвозасига 20 бор аниқ зарба йўллаган, тўп назоратидаги устунлик ҳам улар томонида қайд этилган, 5та ўйинда ўртача 53 фоиз тўпга эгалик қилган, 8 очко тўплаган.

14-тур. "Сурхон" - "Олимпик" 0:5
15-тур. "Олимпик" - "Қўқон-1912" 1:1
16-тур. "Пахтакор" - "Олимпик" 1:1
17-тур. "Олимпик" - "Сўғдиёна" 1:0
18-тур. "Қизилқум" - "Олимпик" 2:1

"Бунёдкор"

"Бунёдкор" машғулотидан репортаж: Икромов қайтиш арафасида+Давронжон Эргашев билан интервью

"Нефтчи"га қарши ўйиндаги мағлубиятдан сўнг "Бунёдкор" мураббийлар штаби тўлиқ янгиланди. Эндиликда "қалдирғочлар"га клуб ўринбосарлари билан ишлаб келган Иван Бошкович устозлик қилади. Айни пайтда қандай ҳолатда эканлигимиз барчага маълум. Лекин биз "Бунёдкор"миз. Ўйлайманки, вазиятни яхшилаш ва мавсумни ҳозирги эгаллаб турган ўрнимиздан тепароқда якунлашимиз мумкин. Олдинда 8та ўйин қолган. Керакли очколарни жамғариш зарур",- дейди черногориялик мураббий. Айтиш мумкинки, "Бунёдкор"даги вазият рақибиникидан бир мунча ёмонроқ. Пойтахт клуби иккинчи даврада 1та баҳсда ғалаба қозонди. 3та мағлубият, 1та дуранг натижа қайд этди, 5та ўйин 4 очко.

Фикримча, гарчи жамоага янги мураббий тайинланган бўлсада, барибир устунлик мезбонларда бўлади. Биринчидан барқарор шаклланган ўйин, майдон фактори ва руҳият. Бошковичга эса ҳозир осон эмас. Ҳаммасини вақт кўрсатади. Балки ўзига ҳос "совға" тайёрлаши эҳтимоли йўқ эмас.

Иван Бошкович: "Ҳозирги вазиятни яхшилаш мумкин. Биз "Бунёдкор"миз"

14-тур. "Сўғдиёна" - "Бунёдкор" 2:0
15-тур. "Бунёдкор" - "Қизилқум" 1:2
16-тур. "Локомотив" - "Бунёдкор" 0:0
17-тур. "Динамо" - "Бунёдкор" 1:2
18-тур. "Бунёдкор" - "Нефтчи" 1:2

Улар бугун собиқ жамоасига қарши майдонга чиқади

"Олимпик"да тўп тепаётган Отабек Жўрақўзиев, Фарруҳ Муҳторов, Абдурауф Бўриев, Мироншоҳ Сатторов, Жасур Холдоров."Бунёдкор" академияси тарбияланувчиси ҳисобланади.

“ОЛИМПИК” — “БУНЁДКОР”
15 сентябрь. Тошкент. “Жар” стадиони. 19:30
Бош ҳакам: Темур Тўхтасинов.
Қанот ҳакамлари: Сардор Нишонбоев, Авазбек Абдуллаев.
Захирадаги ҳакам: Лочин Долимов.
Назоратчи: Дмитрий Роман.
Комиссар: Азиза Татлимуратова.

Превью. "Олимпик" - "Бунёдкор". Устунлик Кападзе жамоасида бироқ Бошкович ҳам "совға" тайёрлаши мумкин