Olmaliq (Olmaliq) – Navbahor (Namangan)
24 aprel 2016. Olmaliq. "OKMK" stadioni. 17:00
Hakamlar: V. Serazetdinov (Toshkent), M. Saidqosimov (Toshkent), A. Kalinin (Qarshi), K. Rasulov (Qarshi)
Nazoratchi: G. Karimov (Toshkent).
O'zPFL vakili: SH. Rajabov.

Bu ikki klubning yo'llari oliy liga o'yinlarida 16 bor kesishgan. Ustunlik “Olmaliq” tomonida. 8ta o'yinda “Olmaliq”ning qo'li baland kelgan bo'lsa, 5ta uchrashuvda “Navbahor” g'olib chiqqan. Yana 3ta bahsda g'olib aniqlanmagan. To'plar nisbatida ham “Olmaliq” ustun – 23:22. O'zaro o'yinlarda “Olmaliq” 27 ochkoni, “Navbahor” esa 18 ochkoni qo'lga kiritgan.

“Olmaliq” oliy ligada “Navbahor” ustidan 3:1 hisobida g'alaba qozongan. Bu o'zaro o'yinlardagi Igor Shkvirin shogirdlarining eng yirik g'alabasi hisoblanadi. “Navbahor”ning o'zaro o'yinlardagi erishgan eng yirik g'alabasi esa 3:0ga teng.

Bir yil avval birinchi davrada Namanganda o'tgan uchrashuvda tomonlar ikkitadan gol urishgandi. Shahboz Erkinov hisobni ochgandi. Bunga mehmonlar safida Shavkat Salomov va Arslonmurod Omonov javob berishgandi. Erkinov dublga erishib yakuniy natijani o'rnatgandi – 2:2. Olmaliqda Salamat Qutiboevning dubli mezbonlarga g'alaba keltirgan. “Navbahor” safida bitta golni Dilshod Jabborov urgandi – 2:1.

Olmaliqda o'tgan so'nggi besh uchrashuv:
16.10.2015 Olmaliq - Navbahor 2:1
02.11.2014 Olmaliq - Navbahor 3:1
04.05.2013 Olmaliq - Navbahor 3:4
06.05.2012 Olmaliq - Navbahor 1:0
10.10.2011 Olmaliq - Navbahor 0:3

O'zaro o'yinlar haqida fakt: Olmaliqda o'tgan 8ta o'yinning beshtasida “Olmaliq”, ikkitasida “Navbahor” g'alabaga erishgan. Bitta o'yinda durang qayd etilgan. Oxirgi ikki o'yinda “Olmaliq” o'z uyida g'olib bo'lgan.

Prevyu. "Olmaliq" - "Navbahor"