Toshkentning "Bunyodkor" klubi yangi murabbiylar shtabi qo'l ostida dastlabki bahsni o'tgan mavsum o'tish o'yinida g'alaba qozonib, Superligada qolgan Navoiyning "Qizilqum" klubini qabul qiladi.

Bu ikki jamoa hozirga qadar Superligada 34 marta o'zaro o'yin o'tkazishgan. Katta ustunlik "qaldirg'ochlar" tomonida. "Bunyodkor" 20 marta g'alaba qozongan, 7ta bahsda durang qayd etilgan. Qolgan 7ta uchrashuvda Navoiy klubi zafar quchgan. Toshkent klubi o'zaro o'yinlarda 62ta gol urgan va 29ta to'p o'tkazib yuborgan.

"Bunyodkor" maydonida o'tgan oxirgi 4ta uchrashuvda mezbonlar faqat bir marta g'alaba qozonishgan. "Qizilqum" oxirgi ikkita safardagi o'yinda bu raqib darvozasiga 2tadan gol urgan.

"Bunyodkor" yangi mavsumga qay darajada tayyorgarlik ko'rdi: ulkan qarz girdobidagi klub xorijlik murabbiylar bilan yaxshi natijaga erishmoqchi (mutolaa uchun)

Toshkentda o'tgan oxirgi 5ta o'yin
06.10.2023 "Bunyodkor" – "Qizilqum" 2:2
10.08.2022 "Bunyodkor" – "Qizilqum" 1:2
04.11.2021 "Bunyodkor" – "Qizilqum" 1:0
28.08.2020 "Bunyodkor" – "Qizilqum" 1:1
22.09.2019 "Bunyodkor" – "Qizilqum" 2:1

Hakamlar
Uchrashuvni Rustam Lutfullin boshchiligidagi hakamlar boshqarib borishadi. 2023 yilda Lutfullin "qaldirg'ochlar"ning 3ta uchrashuvida ishlagandi: 1ta g'alaba, 2ta mag'lubiyat. Lutfullin o'tgan yil "Qizilqum"ning ikkita o'yinida bosh hakam bo'lgan ekan. Navoiy klubi ikkala o'yinda ham mag'lub bo'lgan.

"BUNYODKOR" - "QIZILQUM"
2 mart 2024 yil. Toshkent. "Bunyodkor" stadioni. 17:00
Bosh hakam: Rustam Lutfullin
Yordamchi hakamlar: Baxtiyorxo'ja Shavkatov, Ruslan Serazitdinov
To'rtinchi hakam: Jaloliddin Husnitdinov
VAR: Ilgiz Tantashev
AVAR: Timur Gaynullin
Nazoratchi: Bobur Haydarov
Komissar: Shohruh Said.

Taxminiy tarkiblar:
"Bunyodkor": Marin Lyubich, Najmiddin Normurodov, Momchilo Raso, Mahmud Mahamadjonov, Muzaffar Olimjonov, Frane Chiryak, Toni Yovich, Samir Jelkovich, Azizbek To'lqinbekov, Mirjahon Mirahmadov, Temurxo'ja Abduxoliqov.
"Qizilqum": Robert Ozols, Nikolay Tarasov, Ilhom Vahobov, Jamoliddin Ubaydullaev, Shahboz Jo'rabekov, Azizbek Usmonov, Davron Anvarov, Asadbek Asadov, Giorgi Kuxianidze, Fayzullo Jumanqo'ziev, Akmal Muzaffarov.

Logotipi o'zgargan va etakchilardan voz kechgan "Qizilqum" yangi mavsumga tayyormi?

Prevyu. Yangilangan "Bunyodkor" Superligada jon saqlab qolgan "Qizilqum"ga qarshi