Тошкентнинг "Бунёдкор" клуби янги мураббийлар штаби қўл остида дастлабки баҳсни ўтган мавсум ўтиш ўйинида ғалаба қозониб, Суперлигада қолган Навоийнинг "Қизилқум" клубини қабул қилади.

Бу икки жамоа ҳозирга қадар Суперлигада 34 марта ўзаро ўйин ўтказишган. Катта устунлик "қалдирғочлар" томонида. "Бунёдкор" 20 марта ғалаба қозонган, 7та баҳсда дуранг қайд этилган. Қолган 7та учрашувда Навоий клуби зафар қучган. Тошкент клуби ўзаро ўйинларда 62та гол урган ва 29та тўп ўтказиб юборган.

"Бунёдкор" майдонида ўтган охирги 4та учрашувда мезбонлар фақат бир марта ғалаба қозонишган. "Қизилқум" охирги иккита сафардаги ўйинда бу рақиб дарвозасига 2тадан гол урган.

"Бунёдкор" янги мавсумга қай даражада тайёргарлик кўрди: улкан қарз гирдобидаги клуб хорижлик мураббийлар билан яхши натижага эришмоқчи (мутолаа учун)

Тошкентда ўтган охирги 5та ўйин
06.10.2023 "Бунёдкор" – "Қизилқум" 2:2
10.08.2022 "Бунёдкор" – "Қизилқум" 1:2
04.11.2021 "Бунёдкор" – "Қизилқум" 1:0
28.08.2020 "Бунёдкор" – "Қизилқум" 1:1
22.09.2019 "Бунёдкор" – "Қизилқум" 2:1

Ҳакамлар
Учрашувни Рустам Лутфуллин бошчилигидаги ҳакамлар бошқариб боришади. 2023 йилда Лутфуллин "қалдирғочлар"нинг 3та учрашувида ишлаганди: 1та ғалаба, 2та мағлубият. Лутфуллин ўтган йил "Қизилқум"нинг иккита ўйинида бош ҳакам бўлган экан. Навоий клуби иккала ўйинда ҳам мағлуб бўлган.

"БУНЁДКОР" - "ҚИЗИЛҚУМ"
2 март 2024 йил. Тошкент. "Бунёдкор" стадиони. 17:00
Бош ҳакам: Рустам Лутфуллин
Ёрдамчи ҳакамлар: Бахтиёрхўжа Шавкатов, Руслан Серазитдинов
Тўртинчи ҳакам: Жалолиддин Ҳуснитдинов
ВАР: Ильгиз Танташев
АВАР: Тимур Гайнуллин
Назоратчи: Бобур Ҳайдаров
Комиссар: Шоҳруҳ Саид.

Тахминий таркиблар:
"Бунёдкор": Марин Любич, Нажмиддин Нормуродов, Момчило Расо, Маҳмуд Маҳамаджонов, Музаффар Олимжонов, Фране Чиряк, Тони Йович, Самир Желкович, Азизбек Тўлқинбеков, Миржаҳон Мираҳмадов, Темурхўжа Абдухолиқов.
"Қизилқум": Роберт Озолс, Николай Тарасов, Илҳом Ваҳобов, Жамолиддин Убайдуллаев, Шаҳбоз Жўрабеков, Азизбек Усмонов, Даврон Анваров, Асадбек Асадов, Гиорги Кухианидзе, Файзулло Жуманқўзиев, Акмал Музаффаров.

Логотипи ўзгарган ва етакчилардан воз кечган "Қизилқум" янги мавсумга тайёрми?

Превью. Янгиланган "Бунёдкор" Суперлигада жон сақлаб қолган "Қизилқум"га қарши