O'z oldiga yuksak maqsadlarni qo'yayotgan jamoa yangi mavsumga ko'tarinki ruhda tayyorgarlik ko'rmoqda. Tajribali murabbiy Bahrom Hakimov boshchiligidagi "Turon" jamoasi uy uchrashuvlarini Yaypan shaharchasining "Konizar" o'yingohida o'tkaziladi.

Pro-Liga sari bosib o'tilgan yo'l

2018-yilgi futbol bo'yicha Farg'ona viloyati birinchiligida ishtirok etgan "Turon" jamoasi yakunda birinchi o'rinni egallab, turnirning bosh sovrinini qo'lga kiritdi.

Yaypanliklar Farg'ona viloyati birinchiligida jami 22 ta uchrashuvda maydonga tushib, shularning 22 tasida g'alaba qozondilar, 2 ta uchrashuvda durang natija qayd etildi. Shuni alohida takidlash lozimki, "Turon" jamoasi mazkur turnirda umuman mag'lubiyatga uchramagan xolda jami 68 ochko jamg'ara oldilar. To'plar nisbati - 64:16.

Yangi mavsumga tayyorgarlik

2019-yilgi Pro-Liga musobaqalariga tayyorgarlik ko'rayotgan "Turon" jamoasi qishki yig'in davomida Farg'ona viloyati "Hokim kubogi" musobaqasida ham faol ishtirok etdilar. Mazkur musobaqada "Neftchi", "Qo'qon 1912", "Istiqlol" kabi kuchli jamoalarga qarshi uchrashuvlar o'tkazilganligi "Turon" jamoasiga katta tajriba maktabi bo'lib xizmat qildi deb aytish mumkin.

Shuningdek jamoa yangi mavsumga tayyorgarlik oldidan bir qator xalqaro o'rtoqlik uchrashuvlarida ham maydonga tushib ulgurdi. Joriy yilning 17-mart sanasidan "Turon" jamoasi Tojikistonda o'tkazilgan futbol bo'yicha xalqaro musobaqada ishtirok etishi rejalashtirmoqda.

Bekzod Tolibov tayyorladi.

Pro-Liga ishtirokchisi "Turon" jamoasi haqida