Ўз олдига юксак мақсадларни қўяётган жамоа янги мавсумга кўтаринки руҳда тайёргарлик кўрмоқда. Тажрибали мураббий Баҳром Ҳакимов бошчилигидаги "Турон" жамоаси уй учрашувларини Яйпан шаҳарчасининг "Конизар" ўйингоҳида ўтказилади.

Про-Лига сари босиб ўтилган йўл

2018-йилги футбол бўйича Фарғона вилояти биринчилигида иштирок этган "Турон" жамоаси якунда биринчи ўринни эгаллаб, турнирнинг бош совринини қўлга киритди.

Яйпанликлар Фарғона вилояти биринчилигида жами 22 та учрашувда майдонга тушиб, шуларнинг 22 тасида ғалаба қозондилар, 2 та учрашувда дуранг натижа қайд этилди. Шуни алоҳида таъкидлаш лозимки, "Турон" жамоаси мазкур турнирда умуман мағлубиятга учрамаган холда жами 68 очко жамғара олдилар. Тўплар нисбати - 64:16.

Янги мавсумга тайёргарлик

2019-йилги Про-Лига мусобақаларига тайёргарлик кўраётган "Турон" жамоаси қишки йиғин давомида Фарғона вилояти "Ҳоким кубоги" мусобақасида ҳам фаол иштирок этдилар. Мазкур мусобақада "Нефтчи", "Қўқон 1912", "Истиқлол" каби кучли жамоаларга қарши учрашувлар ўтказилганлиги "Турон" жамоасига катта тажриба мактаби бўлиб хизмат қилди деб айтиш мумкин.

Шунингдек жамоа янги мавсумга тайёргарлик олдидан бир қатор халқаро ўртоқлик учрашувларида ҳам майдонга тушиб улгурди. Жорий йилнинг 17-март санасидан "Турон" жамоаси Тожикистонда ўтказилган футбол бўйича халқаро мусобақада иштирок этиши режалаштирмоқда.

Бекзод Толибов тайёрлади.

Про-Лига иштирокчиси "Турон" жамоаси ҳақида