Murosasiz va kurashlarga boy o'tgan o'yinda vakillarimiz 2:1 hisobida g'alaba qozondi. Bahsdan so'ng milliy jamoamiz murabbiyi Nodir Eliboev fikrlarini bildirib o'tdi.

"O'yin haqida nima deyishim mumkin? To'g'risi ko'nglimiz to'lmadi. Yigitlar o'zlarining ellik foiz kuchini ham ko'rsata olmadi. Bu nima bilan bog'liqligini ko'rib chiqamiz. Tojikiston bilan kechadigan o'yinga tayyorgarlikni davom ettiramiz.

Himoyada ham, hujumda ham xatolarimiz ko'p bo'ldi. Futzal ham futbolda ham bo'lgani kabi xatosiz o'tmaydi. O'z ustimizda ko'proq ishlaymiz.

Marokash yig'ini haqida fikr bildiradigan bo'lsam raqib iliq taassurot qoldirdi. Infratuzilmasi, tashkilotchilik borasida ham yaxshi. Terma jamoasi ham yuqori darajada ekanligini ko'rdik. Futzalchilari individual jihatdan mahoratli deya olaman. Chunki aksariyat o'yinchilari Franciya, Ispaniya kabi Evropa mamlakatlarida to'p tepadi. Bu o'yinlarda mag'lub bo'lgan bo'lsakda o'zimizga foydali jihatlarni oldik. Marokash to'p darajadagi jamoa, Afrika chempioni, oxirgi o'yinda Misrni 5:0 hisobida mag'lub etishgandi. Nafaqat qitada balki jahonda ham o'z o'rniga egadir.

Tarkib borasida izlanmoqdamiz. Har bir yig'inda 20 nafar o'yinchilarni yig'ib tanlab olyapmiz. Asosiy darvozabonimiz ham yo'q edi bugun. O'rtoqlik o'yinlarida yosh futbolchilarga imkon berib ularni tekshirib ko'ryapmiz. Har xil vaziyat bo'lib qolishi mumkin. Bir o'yinchini o'rnini boshqa o'yinchi to'ldiradigan tarkib shakllantirmoqchimiz",- deydi Nodir Eliboev.

Qirg'iziston bilan o'yin, Marokash yig'ini, tarkibdagi muammolar - Nodir Eliboev ishtirokidagi matbuot anjumani