Doimgidek saytimiz delegaciyasi mazkur o'yinni yoritib borish uchun Qo'qon shahriga otlandilar.

Shaharga ayni tushlik pallasida etib bordik. Tarixiy nomga ega "O'rda" kafesiga kirib,bir piyola choy ustida suhbat qurdik.

Bu orada uchrashuv boshlanishiga oz fursat qoldi va biz shosha-pisha Qo'qon shahridagi "Markaziy" o'yingohga etib bordik.

O'yingohga etib kelganimizda uchrashuvni tomosha qilish uchun muxlislar tashrifi boshlangandi.

Har gal ushbu o'yingohga kelganimizda 1912 yili Qo'qonda o'zbek futboliga tamal toshi qo'yilganligiga yana bir bor guvoh bo'lib ketamiz.

"Markaziy"ga kirib borar ekanmiz, chetroqda ushbu avtobus turganini ko'rdik. Xuddi Evropa futbol klublari foydalanadigan avtobuslar kabi barcha qulayliklarga ega bo'lgan zamonaviy transport.

"Markaziy" o'yingoh maysasi ajoyib xolatda, maydon chetidagi reklama tablolarida esa saytimiz logotipi porlayotgandi.

Bu orada har ikki jamoa azolari chigalyozdi mashg'ulotlarni boshlashdi. Qo'qon-1912" legioneri Yakuba Bamba mashg'ulotlarda faol ishtirok etdi.

Qo'qonlik muxlislar mezbonlarni qo'llab-quvvatlab turish uchun alohida tayyorgarlik bilan kelishibdi.

Bu esa uzoq demasdan Jizzaxdan tashrif buyurgan muxlislar. 27-raqamli libos kiyib olgan muxlis ushbu surat qaysi nashrda chiqishini so'radi, aytdik albatta.

O'yinoldi mashg'ulotlar davom etayotgan pallada "Markaziy" o'yingoh futbol muxlislari bilan to'lib borardi.

Nihoyat muxlislar olqishlari ostida jamoalar maydonga tushib kelishdi.

Uchrashuv o'zbek futboliga rivojiga katta hissa qo'shgan Mirabror Usmonov xotirasiga bir daqiqalik sukut bilan boshlandi.

Uchrashuvdan oldin har ikki jamoa azolarini yuqoridan suratga olishga ulgurdik. Futbolchilarning mos ravishda "Qo'qon" va "So'g'diyona" degan xayriqlari bizgacha eshitildi.

"So'g'diyona" bosh murabbiyi Ulug'bek Baqoev uchrashuvni dastlabki daqiqalardanoq tik turgan xolda tomosha qildi.

Uchrashuvga to'xtalib o'tirmaymiz, barcha o'yinni tomosha qildi. Unda "Qo'qon-1912" 2:1 hisobida g'alaba qozondi.

Bekzod Tolibov tayyorladi.

"Qo'qon-1912" - "So'g'diyona". O'yin atrofidagi voqeliklar