"Бугун АПЛнинг барча клублари вакиллари иштирокида видео-конференция ўтказилди. Унда COVID-19 пандемияси вақтида АПЛ ўйинларини ўтказиш борасида бир қарорга келинди. Илк навбатда барча учун спорт эмас, клуб футболчилари, ишчилари, ходимларининг соғлиғи биринчи ўринга қўйилди.
Шунингдек, АПЛ 1 майдан эътиборан қайтмайди. Томонлар лиганинг қулай фурсат бўлганида бошланишини келишиб олишди. COVID-19 пандемияси сабабли Англиядаги ҳаёт бироз оғирроқ. Шу боисдан ҳолат яхшиланганидан кейин барча лига вакиллари яна бир бор видео-мулоқот ўтказишади ва лиганинг бошланиш санасини келишиб олишади.
Барчанинг фикри бир хил: яъни, лига ва кубок ўйинларини якунлаб қўйиш. Бироқ бунинг учун ҳукумат ва тиббиёт вазирлигининг рухсати керак. Бусиз бирорта учрашувни ўтказиб бўлмайди", - деб ёзилади клуб матбуот хизматида.

Қайд этиш керак, АПЛнинг 29 тур ўйинларидан кейин пешқадам "Ливерпуль" энг яқин таъқибчиси "Манчестер Сити"дан 25 очко олдинда эди. Мерсисайдликлар АПЛдаги илк чемпионликни нишонлашга яқин туришганди.

Расмий хабар: АПЛ номаълум муддатга қолдирилди