Jud Bellingem "Real Madrid" klubining ushbu mavsumdagi eng yaxshi o'yinchisi deb topildi. Angliyalik yulduz muxlislar tomonidan o'tkazilgan so'rovnomada birinchi o'rinni egallagan.

Malumot uchun, Jud Bellingem ushbu mavsum 42 ta o'yinda maydonga tushib, 23 ta gol urishga erishdi. "Real Madrid" esa Jud Bellingemning yordami bilan Ispaniya La Ligasi, UEFA Chempionlar ligasi va Ispaniya superkubogida zafar quchdi.

"O'zimning birinchi mavsumimdayoq bu kabi sovrin yutish men uchun sharaf. Muxlislar meni tanlaganlaridan juda baxtli va minnatdorman. O'yinimni ko'rish ularga maroq berganiga umid qilaman. Juda yaxshi mavsum bo'ldi", -deydi Jud Bellingem ushbu mukofotga loyiq ko'rilgani haqida.

"Real Madrid"da mavsum futbolchisi aniqlandi