Журналист Флориан Плеттенберг маълумотига кўра, нидерландиялик форвард "Рома" таклиф қилаётган спорт лойиҳасини ижобий баҳоламоқда.
Рим клуби 24 ёшли футболчини тахминан 5 миллион евро эвазига ижарага олишни, шунингдек, келишувга келаси ёзда 30 миллион еврога сотиб олиш бандини киритишни режалаштирмоқда. Томонлар ўртасида алоқалар давом этмоқда, аммо трансфер бўйича якуний қарор ҳали қабул қилинмаган — "Манчестер Юнайтед" раҳбарияти битимга розилик бермаган.
Қайд этилишича, Зиркзеега қизиқиш билдираётганлар фақат "жалоросси" эмас: футболчига бошқа Европа клублардан ҳам таклифлар бор, бу эса вазият ривожига таъсир қилиши мумкин.
Ҳужумчининг Англия гранди билан амалдаги шартномаси 2029 йилгача мўлжалланган. Зиркзее жорий мавсум Премьер-лиганинг 10 ўйинида иштирок этиб, 1 та гол урди. Transfermarkt портали баҳосига кўра, футболчининг бозор қиймати 25 миллион еврони ташкил этади.
